யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
‘இந்துக் கடவுளான ஹனுமானுக்கு தீபாராதனை காட்டும் எம்பி அசாதுதீன் ஓவைசி’ எனப் பரவும் வீடியோ உண்மையானதல்ல. AI தொழில்நுட்பத்தால் உருவாக்கப்பட்டது. வீடியோவில் “Gemini AI” லோகோ இடம்பெற்றிருப்பதையும் தெளிவாகக் காண முடிகிறது.
பரவிய செய்தி
விரிவான விளக்கம்
AIMIM தலைவரும். ஹைதராபாத் எம்பியுமான அசாதுதீன் ஒவைசி, கோயிலில் அனுமான் சிலைக்கு பூஜை செய்வது போன்ற காணொளி சமூக ஊடகங்களில் வைரலாகி வருகிறது.
𝗢𝗪𝗔𝗜𝗦𝗜... 𝗛𝘆𝗱𝗲𝗿𝗮𝗯𝗮𝗱..
இன்டா நடக்குது இந்தியாவுல
இந்துக்கள் ஓட்டுக்காக
ஓவைசி🤣🤣🤣🤣🤣 pic.twitter.com/6oW1b3HGLi
என்னடா நடக்குது இந்தியாவுல
இந்துக்கள் ஓட்டுக்காக
ஓவைசி🤣🤣🤣🤣🤣
ஏன்டா..ஓவைசி இது "ஷிர்க்" கில்
வராதா? எங்க ஊரு திராவிடியாக்களே, விபச்சார
ஊடகங்களே கவனியுங்கள் pic.twitter.com/tFGYYTUGYQ
உண்மை என்ன?
பரவி வரும் வீடியோ குறித்து செய்தி வெளியாகியுள்ளதா என்பதை தேடிப் பார்த்தோம். அப்போது இது குறித்து எந்த செய்தியும் ஊடகங்களில் வெளியாகவில்லை.
இதையடுத்து அந்த வீடியோவை கூர்ந்து கவனிக்கையில், அந்த வீடியோவின் இறுதியில் “Gemini AI” லோகோ இடம்பெற்றிருப்பதை தெளிவாகக் காண முடிகிறது. மேலும், வீடியோவில் சித்தரிக்கப்பட்டுள்ள மக்களின் முகபாவனைகளும் மாறாமல் உள்ளன.
இதையடுத்து இது AI மூலம் உருவாக்கப்பட்டிருக்குமோ என்ற சந்தேகத்தின் அடிப்படையில் பரவி வரும் வீடியோவின் screenshotகளை Decopy. ai என்ற இணையதளப்பக்கத்தில் பதிவேற்றம் செய்து ஆய்வு செய்தோம். ஆய்வின் முடிவில் இந்த வீடியோ, 96% AI மூலம் உருவாக்கப்பட்டது தான் என்பது உறுதியானது.
இதற்கு முன்பும் இதே போன்று ஏஐ புகைப்படங்கள் சமூக ஊடகங்களில் பரவின. அப்போதே இது குறித்து ஆய்வு செய்து நம் பக்கத்தில் கட்டுரைகள் வெளியிட்டுள்ளோம்.
மேலும் படிக்க : பாய்க்கடை பிரியாணியில் சாக்கடை நீர் என்று பரவும் ஏஐ வீடியோ!
மாட்டிறைச்சி கடையில் இருந்த பசுமாட்டை வேதனையுடன் பார்த்த மற்றொரு பசுமாடு என்று பரவும் ஏஐ வீடியோ!
முடிவு:
நம் தேடலில், ‘இந்துக் கடவுளான ஹனுமானுக்கு தீபாராதனை காட்டும் எம்பி அசாதுதீன் ஓவைசி’ எனப் பரவும் வீடியோ உண்மையானதல்ல. AI தொழில்நுட்பத்தால் உருவாக்கப்பட்டது.
