நேதாஜியின் உருவம் பொறித்த 500 ரூபாய் நோட்டு குடியரசு தின விழாவில் வெளியிடப்பட்டதாகப் பரவும் AI புகைப்படம்!

நேதாஜியின் உருவம் பொறித்த 500 ரூபாய் தாள்களை குடியரசு தின விழாவில் வெளியிட்டனர் |இப்பதான் முழு சுதந்திரம் அடைந்தது போல உள்ளது

Facebook Link / Archived Link

இந்தியாவின் 77ஆவது குடியரசு தின விழாவில்  நேதாஜியின் உருவம் பொறித்த 500 ரூபாய் நோட்டுகளை பிரதமர் மோடியும், ஜனாதிபதி திரௌபதி முர்முவும் வெளியிட்டனர் என்று புகைப்படம் ஒன்று வைரலாகி வருகிறது. 

உண்மை என்ன? 

பரவி வரும் தகவல் குறித்து தேடினோம். அப்போது BBC News Tamil ஊடகத்தில், இந்தியாவின் 77ஆவது குடியரசு தின அணிவகுப்பு குறித்த முழு வீடியோவும் இடம்பெற்றிருந்தது. 2:22:00 மணிநேரம் கொண்ட அந்த காணொளியை முழுவதுமாக பார்த்த போது, இப்படியான எந்த நிகழ்வும் நடந்ததாக இடம்பெறவில்லை. 

மேலும் Reserve Bank of India-வின் அதிகாரப்பூர்வ பக்கத்தில் நேதாஜி உருவம் பொறித்த ரூ.500 நோட்டுகள் ஏதேனும் வெளியிடப்பட்டுள்ளதா என்பதை தேடிப் பார்த்தோம். அப்படி புதிதாக எந்த ரூ.500 நோட்டுகளும் வெளியாகவில்லை. 

இதையடுத்து பரவி வரும் புகைப்படத்தில் Tamil Cinema Fans Channel என்ற லோகோ இடம்பெற்றிருந்ததை பார்க்கமுடிந்து. அந்த பக்கத்தை தேடிப் பார்த்தோம். அப்போது இன்ஸ்டாகிராமில் உள்ள அந்த பக்கத்தில், ஜனவரி 26 அன்று அதே புகைப்படம் வெளியாகியிருந்தது. அதில் இது AI மூலம் உருவாக்கப்பட்ட கற்பனை படம் என்றும், இது உண்மையான அரசு அறிவிப்பு அல்ல எனவும் குறிப்பிடப்பட்டிருந்தது. 

View this post on Instagram

A post shared by tcfc_official (@tamilcinemafanschannel)

இதை மேலும் உறுதி செய்ய பரவி வரும் புகைப்படத்தை Hive Moderation இணையதளப்பக்கத்தில் பதிவேற்றம் செய்து ஆய்வு செய்தோம். ஆய்வின் முடிவில் பரவி வரும் புகைப்படம், 99.9% இது AI மூலம் உருவாக்கப்பட்டது என்பது உறுதியானது. 

முடிவு: 

எனவே, நேதாஜியின் உருவம் பொறித்த 500 ரூபாய் நோட்டு குடியரசு தின விழாவில் வெளியிடப்பட்டதாகப் பரவும் புகைப்படம் உண்மையானதல்ல. AI தொழில்நுட்பத்தால் உருவாக்கப்பட்டது.