யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
பரவி வரும் வீடியோவை ஒருவர் கடந்த 2025 டிசம்பர் மாத இறுதியில் பதிவிட்டிருந்தார். அதில் “Chinsurah” என்ற இடத்தில் இந்த வீடியோ எடுக்கப்பட்டதாக குறிப்பிட்டிருந்தார். அது மேற்கு வங்கம் ஹூக்ளியில் உள்ள சின்சுரா என்ற ஊர் என்று தெரியவந்தது. அங்கு நடைபெற்ற இஸ்லாமிய கூட்டம் தொடர்பாக வேறு வீடியோக்களையும் பதிவு செய்துள்ளார்.
பரவிய செய்தி
விரிவான விளக்கம்
திமுக அரசு கட்டிய திறந்தவெளி கழிப்பறை என்று ஒரு வீடியோ சமூக ஊடகங்களில் வைரலாக பரவி வருகிறது.
உண்மை என்ன?
பரவி வரும் வீடியோவை கூகுள் ரிவர்ஸ் இமேஜ் மூலம் தேடிப் பார்த்தோம். அப்போது MrAli-2530 என்ற நபரின் யூடியூப் பக்கத்தில், 27 டிசம்பர், 2025 அன்று பரவி வரும் வீடியோ பதிவாகியிருந்தது. அதில் Chinsurah என்ற இடத்தில் இந்த வீடியோ எடுக்கப்பட்டதாக குறிப்பிட்டிருந்தது. அந்த பெயரை அப்படியே கூகுளில் டைப் செய்து தேடினோம். அப்போது அது மேற்கு வங்கம் ஹூக்ளியில் உள்ள சின்சுரா என்ற ஊர் என்று தெரியவந்தது. மேலும் அந்த வீடியோவில் இஸ்லாமியர்கள் இருப்பது போன்ற காட்சிகளும் இடம்பெற்றிருந்தது.
இது தொடர்பாக அந்த நபரின் சமூக வலைதளப்பக்கங்களை ஆய்வு செய்த போது, அங்கு இஸ்லாமியக் கூட்டம் நடப்பது தொடர்பாக பல காணொளிகளை வெளியிட்டிருந்தார். மேலும் கழிப்பறைகள் அமைக்கப்படுவது, ஒவ்வொன்றுக்கும் தற்காலிக மறைப்புகள் அமைக்கப்படுவது என்று பல காட்சிகள் அதில் இடம் பெற்றிருந்தன.
முடிவு:
கிடைத்திருக்கும் ஆதாரங்களின் அடிப்படையில், பரவி வருவது மேற்கு வங்கத்தில் மத நிகழ்வுக்காக தற்காலிகமாக கழிப்பறைகள் கட்டப்பட்ட போது எடுக்கப்பட்ட வீடியோவாகும். இதை தமிழ்நாட்டில் தி.மு.க அரசு அமைத்த திறந்தவெளிக் கழிப்பறை எனக் கூறி தவறாகப் பரப்பி வருகின்றனர்.
