யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
“RowdyTime” என்று குறிப்பிட்டு முன்னாள் முதல்வர் கருணாநிதி அவர்களுடன் இருக்கும் புகைப்படத்தை, துணை முதல்வர் உதயநிதி ஸ்டாலின் பதிவிட்டுள்ளதாகப் பரவும் புகைப்படம் போலியானது. உண்மையான புகைப்படத்தில் “RowdyTime” என்று எதுவும் குறிப்பிடப்படவில்லை.
பரவிய செய்தி
விரிவான விளக்கம்
“RowdyTime” என்று குறிப்பிட்டு முன்னாள் முதல்வர் கருணாநிதி அவர்களுடன் இருக்கும் புகைப்படத்தை, துணை முதல்வர் உதயநிதி ஸ்டாலின் பதிவிட்டுள்ளதாக பதிவு ஒன்று வைரலாகி வருகிறது.
DMK va adikiradhuku ivaney podhum ! 😂 pic.twitter.com/GE7Vfi0F4m
உண்மை என்ன?
பரவி வரும் புகைப்படம் உண்மை தானா என்பதை அறிய, எங்கள் ஆய்வினை தொடங்கினோம். இது குறித்து துணை முதலமைச்சர் உதயநிதி ஸ்டாலினின் சமூகவலைதளப் பக்கங்களில் தேடினோம். அப்போது ஜனவரி 02, 2026 அன்று முன்னாள் முதல்வர் கருணாநிதி அவர்களுடன் இருக்கும் புகைப்படத்தை அவரது எக்ஸ் பக்கத்தில் பதிவிடப்பட்டிருந்ததை பார்க்கமுடிந்தது. அந்த பதிவில் எந்த விதமான Caption-ம் இடம்பெறவில்லை.
— Udhay - தமிழ்நாட்டை தலைகுனிய விடமாட்டேன் (@Udhaystalin) January 2, 2026
மாறாக தனது நாயுடன் இருக்கும் புகைப்படத்தையே சமூகவலைதளங்களில் வெளியிட்டு, அதிலே தான் RowdyTime என்று வழக்கமாக குறிப்பிட்டு வருகிறார். இதை எடிட் செய்து, முன்னாள் முதல்வர் கருணாநிதியுடன் இருக்கும் புகைப்படத்தில் RowdyTime என்று அவர் குறிப்பிட்டுள்ளதாக பரப்புகின்றனர்.
முடிவு:
நம் தேடலில், “RowdyTime” என்று குறிப்பிட்டு முன்னாள் முதல்வர் கருணாநிதி அவர்களுடன் இருக்கும் புகைப்படத்தை, துணை முதல்வர் உதயநிதி ஸ்டாலின் பதிவிட்டுள்ளதாகப் பரவும் புகைப்படம் போலியானது. உண்மையான புகைப்படத்தில் “RowdyTime” என்று எதுவும் குறிப்பிடப்படவில்லை.
