யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
டியோவை முழுமையாக பார்த்த போது, அதில் எங்கும் பாஜக பற்றி பேசவில்லை. மாறாக அதில் தவெக குறித்தும், திமுகவின் அடுத்தக்கட்ட பணிகள் குறித்து மட்டுமே பேசியிருந்ததை பார்க்கமுடிந்தது.
பரவிய செய்தி
விரிவான விளக்கம்
“இனிமேல் யாரும் பாஜக பற்றி விமர்சனம் பண்ண வேண்டாம்" என்று முன்னாள் முதல்வர் மு.க.ஸ்டாலின் தெரிவித்ததாக சன் நியூஸ் ஊடகத்தின் கார்ட் ஒன்று வைரலாகி வருகிறது.
DMK EXPOSED 🚨🚨🚨#TVK @TVKVijayHQ pic.twitter.com/7feYZ5K8Pj
உண்மை என்ன?
பரவி வரும் அந்த நியூஸ் கார்டில் மே 24, 2025 என்று குறிப்பிடப்பட்டிருந்தது. அதை வைத்து முன்பு ஏதுவும் ஸ்டாலின் இது போன்ற கருத்துக்களை தெரிவித்துள்ளாரா என்பதை தேடிப் பார்த்த போது, அப்படியான எதுவும் கிடைக்கவில்லை.
இந்நிலையில் சன் நியூஸ் ஊடகத்தில் சமீபத்தில் அவர் பேசியது குறித்து ஏதேனும் தகவல் உள்ளதா என்பதை தேடிப் பார்த்த பார்த்தோம். அப்போது மே 23, 2026 அன்று "த.வெ.க ஆட்சி 5 ஆண்டுகள் அல்ல, மீண்டும் வெல்வோம் - மு.க. ஸ்டாலின் பேச்சு" என்ற தலைப்பில் வீடியோ ஒன்று வெளியாகியிருந்ததை பார்க்கமுடிந்தது. அதில் உள்ள பின்னணியும், பரவி வரும் படத்தில் உள்ள பின்னணியும் ஒரே மாதிரி இருப்பதை பார்க்கமுடிந்தது.
இதையடுத்து அந்த வீடியோவை முழுமையாக பார்த்த போது, அதில் எங்கும் பாஜக பற்றி பேசவில்லை. மாறாக அதில் தவெக குறித்தும், திமுகவின் அடுத்தக்கட்ட பணிகள் குறித்து மட்டுமே பேசியிருந்ததை பார்க்கமுடிந்தது.
முடிவு:
எனவே, அண்மையில் முன்னாள் முதல்வர் மு.க.ஸ்டாலின் பேசிய வீடியோவை screenshot எடுத்து, இனிமேல் யாரும் பாஜக பற்றி விமர்சனம் பண்ண வேண்டாம் என்று அவர் தெரிவித்ததாக தவெகவினர் தவறான தகவலை பரப்பி வருகின்றனர்.
