ராகுல் காந்தி அணிந்துள்ள ஷூ-வின் விலை 3 லட்சமா? உண்மை என்ன?

எளிமையின் அவதாரம்..!

X link

காங்கிரஸ் கட்சியை சேர்ந்த ராகுல் காந்தி 3 லட்சம் மதிப்புள்ள ஷூ அணிந்திருப்பதாக பாஜக மற்றும் வலதுசாரிகள் சமூக வலைத்தளத்தில் பரப்புகின்றனர். 

ராகுல் காந்தி அணியும் பூட்ஸ் விலை என்ன தெரியுமா❓

வெறும் ₹3 லட்சம் தான் 😟 pic.twitter.com/PXp8jlJPbL

— சத்யமே ஜெயம் 🇮🇳 (@Namo3Namo) December 19, 2024

உண்மை என்ன?

ராகுல் காந்தி ஷூ குறித்து பரவக் கூடிய படத்தில் அதன் பெயர் ‘Cloud 5 Waterproof’ என்றுள்ளது. அந்த ஷூ-வின் விலை அந்நிறுவனத்தின் இந்திய இணையதளத்தில் 3 லட்சம் என்றுதான் உள்ளது. 

அதனை ஆடர் செய்ய முயற்சிக்கையில், ”Apologies, we're closed for now. We cannot guarantee deliveries to the area” எனத் தெரிவிக்கப்பட்டது. அதாவது, இந்தியாவில் தற்போது இத்தளம் செயல்பாட்டில் இல்லை என்பதே இதன் பொருள். 

ராகுல் காந்தி அணிந்துள்ள ஷூ மட்டுமின்றி அத்தளத்தில் உள்ள அனைத்து பொருட்களின் விலையுமே 3 லட்சம் என்றுள்ளது. அதே நேரத்தில் இந்நிறுவனத்தின் அமெரிக்க இணைதளத்தில் பொருட்களுக்கு ஏற்ப விலையில் மாற்றம் இருப்பதைக் காண முடிகிறது. 

அதில் ராகுல் காந்தி அணிந்துள்ள ‘Cloud 5 Waterproof’ என்ற ஷூ-வின் விலை 170 அமெரிக்க டாலர் எனக் குறிப்பிடப்பட்டுள்ளது. அதேபோல் அமேசான் தளத்தில் 189  யூரோ என்றுள்ளது. இதன் இந்திய மதிப்புகள் முறையே ரூ.14,465 மற்றும் ரூ.16,664 ஆகும். இதிலிருந்து தவறான விலை உள்ள தளத்தில் இருக்கும் தகவலைக் கொண்டு பொய் செய்தி பரப்பப்படுகிறது என்பதை அறிய முடிகிறது.

மேலும் படிக்க: ராமர் கோவில் இடிக்கப்பட்டு பாபர் மசூதி கட்டப்படுமெனக் காங்கிரஸ் விளம்பரம் வெளியிட்டதாகப் பரவும் பொய்!

மேலும் படிக்க: இட ஒதுக்கீடு ரத்து செய்ய ஆலோசிக்கப்படும் என ராகுல் காந்தி அமெரிக்காவில் பேசியதாக பாஜக பரப்பும் பொய்!

முடிவு: 

ராகுல் காந்தி அணிந்துள்ள ஷூ-வின் விலை 3 லட்சம் எனப் பரவும் தகவல் தவறானது. அந்நிறுவனத்தின் இந்திய இணையதளத்தில் அனைத்து பொருட்களின் விலையும் 3 லட்சம் எனத் தவறான உள்ளது. பிறநாட்டு தளங்களுடன் ஒப்பிடுகையில் இதனை உறுதி செய்ய முடிகிறது.