பிரதமர் மோடி லைஃப் ஜாக்கெட் அணிந்து ஸ்நோர்கெலிங் செய்வதாகப் பரவும் தவறான செய்திகள் !

சமீபத்தில் பிரதமர் நரேந்திரமோடி லட்சத்தீவில் 1,150 கோடி ரூபாய் மதிப்பிலான பல்வேறு திட்டங்களுக்கு அடிக்கல் நாட்டுவதற்காக சென்றிருந்தார். அப்போது லட்சத்தீவில் பல்வேறு இடங்களுக்கு அவர் சென்றிருப்பது குறித்து புகைப்படங்களை தனது எக்ஸ் பக்கத்தில் பதிவு செய்திருந்தார்.

இந்நிலையில் லைஃப் ஜாக்கெட் அணிந்து கொண்டு ஒருவரால் எப்படி ஸ்கூபா டைவிங்கோ (Scuba diving), ஸ்நோர்கெலிங்கோ (Snorkelling) செய்யமுடியும் என்று கூறி, பிரதமர் மோடி லைஃப் ஜாக்கெட் உடன் இருக்கும் புகைப்படம் ஒன்று சமூக ஊடகங்களில் வைரலாகப் பரவி வருகிறது.

एक वो हैं - गहरे समुंदर में बिना पलक झपकाए कूद गये

एक यह हैं जो समुद्र के किनारे लाइफ जैकेट पहने हुए हैं

पर the nation wants to know लाइव जैकेट में डाइव कैसे किया??? pic.twitter.com/UGaUc17fJR

— Supriya Shrinate (@SupriyaShrinate) January 4, 2024

Only Modi ji can do this, deep sea diving wearing a life jacket pic.twitter.com/loUgxpqUY8

— Vijay Thottathil (@vijaythottathil) January 4, 2024

உண்மை என்ன?

பரவி வரும் செய்திகள் குறித்து பிரதமர் மோடியின் எக்ஸ் பக்கத்தில் ஆய்வு செய்து பார்த்ததில், கடந்த ஜனவரி 04 அன்று "சாகசங்களை அரவணைக்க விரும்புவோர், உங்கள் பட்டியலில் லட்சத்தீவை இணைத்துக் கொள்ளுங்கள். நான் அங்கு தங்கியிருந்த காலத்தில், ஸ்நோர்கெல்லிங் முயற்சித்தேன் - என்ன ஒரு உற்சாகமான அனுபவம் !" என்று குறிப்பிட்டு பல புகைப்படங்களை பதிவு செய்திருந்தார். 

For those who wish to embrace the adventurer in them, Lakshadweep has to be on your list.

During my stay, I also tried snorkelling - what an exhilarating experience it was! pic.twitter.com/rikUTGlFN7

— Narendra Modi (@narendramodi) January 4, 2024

இதன் மூலம் அவர் ஸ்கூபா டைவிங் மேற்கொள்ளவில்லை என்பதையும், ஸ்நோர்கெலிங் தான் முயற்சித்துள்ளார் என்பதையும் அறிய முடிகிறது.



மேலும் ஸ்நோர்கெலிங் குறித்து ஆய்வு செய்து பார்த்ததில், ஸ்நோர்கெலிங்கிங் செய்யும் போது Snorkel vest அணிந்துகொள்வார்கள் என்பதை அறிய முடிந்தது. இது பார்க்க லைஃப் ஜாக்கெட் போன்று இருந்தாலும், snorkel vest அணியும் போது தலை தண்ணீரில் மூழ்குமாறு Bib மற்றும் Head loop ஆகிய அமைப்புகளுடன் சேர்த்து வடிவமைக்கப்பட்டிருக்கும். ஆனால் லைஃப் ஜாக்கெட் அணியும் போது தலை தண்ணீருக்குள் மூழ்காது. இரண்டு ஆடைகளுக்கும் உள்ள வேறுபாட்டை கீழே உள்ள வீடியோவின் மூலமும் நன்கு அறிந்து கொள்ளலாம்.



மேலும் பிரதமர் மோடி ஸ்நோர்கெலிங்கிங் செய்யும் போது எடுக்கப்பட்ட வீடியோவில், அவருடைய தலை தண்ணீருக்குள் மூழ்கியிருப்பதையும் நன்கு பார்க்க முடிகிறது.



முடிவு:

நம் தேடலில், பிரதமர் மோடி லைஃப் ஜாக்கெட் அணிந்து கொண்டு ஸ்நோர்கெலிங்கிங் செய்வதாகப் பரவும் செய்திகள் தவறானவை என்பதையும், அவர் அணிந்திருப்பது Snorkel vest என்பதையும் அறிய முடிகிறது.