யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
கோவாவில் பாஜக அமைச்சர் மகளின் செயலைப் பாருங்கள் என்று கூறி பரவும் வீடியோ, மும்பையில் கடந்த 2022-ல் எடுக்கப்பட்ட பழைய வீடியோ. இதனை தற்போது பலரும் தவறாகப் பரப்பி வருகின்றனர். மேலும் வீடியோவில் இருக்கும் பெண் பாஜக அமைச்சரின் மகள் என்று கூறி பரவும் செய்திகளும் ஆதாரப்பூர்வமற்றவை.
பரவிய செய்தி
கோவா மாநில பாஜக அமைச்சரின் மகள் கொழுத்த குடிபோதையில், போலீஸ்காரரிடம் வம்படி வம்பு செய்யும் காட்சி. "நண்டு கொழுத்தால், வளையில் தங்காது" என்பார்கள். "ஆட்சி அதிகாரம் கிடைத்தால், ஆர்.எஸ்.எஸ்-காரர்கள் அட்டூழியம் செய்வார்கள்" என்பது காவிக் காலிகளின் நடைமுறை.
விரிவான விளக்கம்
கோவா மாநில பாஜக அமைச்சரின் மகள் குடிபோதையில், காவலர் ஒருவருடன் வம்பு செய்யும் காட்சி என்று கூறி 30 வினாடிகள் கொண்ட வீடியோ ஒன்று சமூக ஊடகங்களில் வைரலாகப் பரவி வருகிறது. பரவி வரும் வீடியோவில் பெண் ஒருவர், காவலரை காலால் எட்டி உதைக்க வருவதையும், வம்பு செய்வதையும் தெளிவாகக் காண முடிகிறது.
பாஜக அமைச்சரின் மகள் செய்யும் அட்டூழியத்தை பாருங்கள்......
சாதாரண மக்களிடம் மட்டும் சட்டம் தன் கடமையை செய்யுமா?
ஆர் எஸ் எஸ் திருட்டு நாய் கூட்டம் ஒரு மாநிலத்தை பிடித்தால் கைப்பற்றினால் என்ன கேடி ஆகும் என்பதற்கு இது ஒரு சின்ன சாம்பிள் pic.twitter.com/bucRXO64rt
கோவா மாநில பாஜக அமைச்சரின் மகள் கொழுத்த குடிபோதையில்,
#BJP4IND #BJPNEWS pic.twitter.com/avMeS2p52j
போலீஸ்காரரிடம் வம்படி வம்பு செய்யும் காட்சி.
"நண்டு கொழுத்தால்,
வளையில் தங்காது" என்பார்கள்.
"ஆட்சி அதிகாரம் கிடைத்தால்,
ஆர்.எஸ்.எஸ்-காரர்கள் அட்டூழியம் செய்வார்கள்" என்பது காவிக் காலிகளின் நடைமுறை.
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், கடந்த 2022-ல் இருந்தே இந்த வீடியோ சமூக ஊடகங்களில் வைரலாகப் பரவி வந்துள்ளது என்பதை அறிய முடிந்தது.
एक और परी की Video Viral है।
देखिए कैसे एक पुलिस अधिकारी की वर्दी का कॉलर पकड़ कर खड़ी है और पुलिस वाला बेबस है।
क्योंकि जानता है गलती से अगर उसने लड़की को ही हाथ लगा दिया तो क़ानून उसको ही नाप देगा। pic.twitter.com/5AHtj3E2A7
இது குறித்து மேலும் தேடியதில், “News18” ஊடகப் பக்கத்தில் பரவி வரும் வீடியோவின் காட்சிகளைக் குறிப்பிட்டு கடந்த 2022 ஜூன் 20 அன்று செய்தி வெளியிடப்பட்டிருந்தது. அதில், “2022 மார்ச் 25 அன்று மும்பையில் நடந்த ஒரு இரவு விருந்தில் கலந்து கொண்டு அடையாளம் தெரியாத பெண் தனது 2 நண்பர்களுடன் டாக்ஸியில் பயணித்துக் கொண்டிருந்தபோது இந்த சம்பவம் நடந்தது“ என்றும் அதில் குறிப்பிடப்பட்டிருந்தது.
இதன் மூலம் பரவி வரும் சம்பவம், கோவாவில் நடைபெற்றது அல்ல. மும்பையில் கடந்த 2022-ல் எடுக்கப்பட்ட பழைய வீடியோ இது என்பதை அறிய முடிகிறது. மேலும் பாஜக அமைச்சரின் மகள் தான் இந்த பெண் என்று பரவும் செய்தியும் ஆதாரப்பூர்வமற்றது என்பதை அறிய முடிகிறது.
முடிவு:
நம் தேடலில், கோவா மாநில பாஜக அமைச்சரின் மகள் குடிபோதையில், காவலர் ஒருவருடன் வம்பு செய்யும் காட்சி என்று பரவி வரும் வீடியோ, மும்பையில் கடந்த 2022-ல் எடுக்கப்பட்ட பழைய வீடியோ என்பதை அறிய முடிகிறது.
