காங்கிரஸ் கட்சியுடனான அதிருப்தியில் பிரதமர் மோடியை சந்தித்தாரா ஹேமந்த் சோரன்?

ஜார்கண்டில் காங்கிரஸ் கட்சியுடன் அதிருப்தியில் இருக்கும் முதல்வர் ஹேமந்த் சோரனும், அவரது மனைவியும் பிரதமர் மோடியுடன் சந்திப்பு! முன்னதாக சிபுசோரன் மறைவுக்கு பிரதமர் மோடி நேரடியாக சென்று ஆறுதல் கூறியது நினைவிருக்கலாம்! ஜார்க்கண்டில் பாஜக கூட்டணி ஆட்சி வர வாய்ப்பா?

Facebook Link | Archive Link

ஜார்கண்ட் மாநில முதல்வர் ஹேமந்த் சோரன், பிரதமர் நரேந்திர மோடியை தற்போது சந்தித்துள்ளார் என்று கூறி புகைப்படம் ஒன்று சமூக ஊடகங்களில் வைரலாகப் பரவி வருகிறது. 

மேலும் அப்பதிவுகளில், காங்கிரஸ் கூட்டணியில் அதிருப்தி ஏற்பட்டதால் தான் பிரதமர் மோடியை தன் மனைவியுடன் ஹேமந்த் சோரன் சந்தித்துள்ளார் என்றும் குறிப்பிடப்பட்டுள்ளது. 

Post Link: 

உண்மை என்ன? 

பரவி வரும் புகைப்படத்தை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இது தற்போது எடுக்கப்பட்ட புகைப்படம் அல்ல என்பதை அறிய முடிந்தது. 

கடந்த 2024 நவம்பரில் “ANI“ ஊடகப் பக்கத்தில் “ஜார்க்கண்ட் முதல்வராகப் பொறுப்பேற்கவுள்ள ஹேமந்த் சோரன் மற்றும் அவரது மனைவியும் ஜேஎம்எம் தலைவருமான கல்பனா சோரன் ஆகியோர் இன்று டெல்லியில் பிரதமர் நரேந்திர மோடியை சந்தித்தனர்” என்று குறிப்பிட்டு பதிவு செய்யப்பட்டிருந்தது. 

Jharkhand CM-designate Hemant Soren and his wife and JMM leader Kalpana Soren called on Prime Minister Narendra Modi today, in Delhi.

(Pics: PMO India/X) pic.twitter.com/7KlHvMNcvn

— ANI (@ANI) November 26, 2024

இதே போன்று, “Business Standard“ ஊடகப் பக்கத்திலும் கடந்த 2024 நவம்பர் 26 அன்று பரவி வரும் புகைப்படம் “ என்று குறிப்பிட்டு வெளியிடப்பட்டிருந்தது. 

இதன் மூலம், கடந்த 2024ம் ஆண்டு ஜார்கண்ட் சட்டமன்ற தேர்தலில் வெற்றி பெற்ற பிறகு, அடுத்த முதல்வராக பொறுப்பேற்பதற்கு முன்பு, அவர் பிரதமர் நரேந்திர மோடியை சந்தித்தார். அப்போது எடுக்கப்பட்ட பழைய புகைப்படம் இது என்பது உறுதியாகிறது. 

முடிவு: 

நம் தேடலில், “ஜார்கண்டில் காங்கிரஸ் கட்சியுடன் அதிருப்தியில் இருக்கும் முதல்வர் ஹேமந்த் சோரனும், அவரது மனைவியும் பிரதமர் மோடியுடன் சந்திப்பு” எனப் பரவும் புகைப்படம் தற்போது எடுக்கப்பட்டதல்ல என்பதை அறிய முடிகிறது.