தாஜ்மஹால் கட்டியபோது எடுக்கப்பட்ட வீடியோ எனப் பரவும் பொய் செய்தி! உண்மை என்ன ?

கானக்கிடைக்காது கானொலி.......

தாஜ்மஹால் கட்டியபோது....

x

X Link

காணக்கிடைக்காத காணொளி.. தாஜ்மஹால் கட்டியபோது… என்ற தலைப்புடன் 0:54 வினாடிகள் கொண்ட  வீடியோ ஒன்று சமூக வலைத்தளப்பக்கங்களில்  வைரலாகி வருகின்றது. அதில் தாஜ்மஹாலின் கட்டுமானப் பணிகள் நடைபெறுவது போன்ற காட்சிகள் அமைக்கப்பட்டிருக்கிறது.

உண்மை என்ன?

பரவி வரும் வீடியோ குறித்து நாம் ஆய்வுசெய்து பார்த்ததில் இவை AI தொழில்நுட்பத்தால் உருவாக்கப்பட்டவை என்பதை அறியமுடிந்தது.

தாஜ்மஹால் 1631 - 1648ஆம் ஆண்டுகளுக்கு இடையில் ஆக்ராவில் முகலாய பேரரசர் ஷாஜகானால் கட்டப்பட்டது. அக்காலக்கட்டத்தில் கேமரா கண்டுபிடிக்கப்பட்டதா என்றால் இல்லை. இந்நிலையில் தாஜ்மஹாலில் கட்டுமானப் பணிகளை வீடியோவாக எடுத்திருக்க முடியாது.  

இதனடிப்படையில், பரவி வரும் வீடியோவின் உண்மைத்தன்மையை கண்டறிய கூகுள் தேடல் மூலம் ஆய்வுசெய்து பார்த்ததில், ‘AI தொழில்நுட்பத்தால் உருவாக்கப்பட்ட தாஜ்மஹாலின் கட்டுமான பணிகள்” என்ற தலைப்பில் அக்டோபர் 30ஆம்  தேதி Ai_Dance99  என்ற யூடியூப் பக்கத்தில் பரவி வரும் இதே வீடியோவை பதிவு செய்திருப்பதை பார்க்க முடிந்தது. 

மேலும் அதன் விளக்கப்பகுதியிலும் (Description) இது செயற்கையாக உருவாக்கப்பட்ட காணொளி எனக் குறிப்பிட்டிருந்தது.

தொடர்ந்து, பரவி வரும் வீடியோவினை, Truemedia மற்றும் Hive Moderation உள்ளிட்ட இணையதளங்களில் பதிவேற்றி ஆய்வு செய்ததில், இவ்விரு இணையதளங்களிலுமே இவை செயற்கை நுண்ணறிவு தொழில்நுட்பத்தால் (AI  Technology) உருவாக்கப்பட்டவை என்பதை தெரிந்துக்கொள்ள முடிந்தது.  

இவற்றின் மூலம், தாஜ்மஹாலின் கட்டுமான பணிகள் நடைபெறுவதாக பரப்பப்படும் வீடியோ AI தொழில்நுட்பத்தால் உருவாக்கப்பட்டவை என்பது தெளிவாகிறது .

முடிவு :

நம் தேடலில்,  தாஜ்மஹாலின் கட்டுமான பணிகள் நடைபெற்றதாக பரவும் வீடியோ தகவல் தவறானது. இவை AI தொழில்நுட்பத்தால் உருவாக்கப்பட்ட வீடியோ என்பதே உண்மை.