யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
பீகார் காவல்துறை பணிக்கான தேர்வில் கலந்துக்கொள்ள சென்ற மாணவர்களுக்கு போதுமான ரயில் இல்லாததால் மாணவர்கள் போராட்டத்தில் ஈடுபட்டனர். அப்போது எடுக்கப்பட்ட பழைய வீடியோ இது.
பரவிய செய்தி
நாட்டின் பெருமையாக தொடங்கி வைக்கப்பட்ட முதல் ஹைட்ரஜன் ரயிலின் மீது டெல்லியில் உள்ள கரப்பான் பூச்சிகள்
கற்களை வீசுகின்றன..!!
விரிவான விளக்கம்
நீட் வினாத்தாள் கசிவுக்குப் பொறுப்பேற்று ஒன்றிய கல்வித்துறை அமைச்சர் தர்மேந்திர பிரதான் பதவி விலக வேண்டும் உட்பட பல கோரிக்கைகளை வலியுறுத்தி கடந்த ஜூன் 20 ஆம் தேதி முதல் தில்லியில் உள்ள ஜந்தர் மந்தரில் கரப்பான்பூச்சி ஜனதா கட்சியினர் போராடி வருகின்றனர். இதன் எதிரொலியாக, தர்மேந்திர பிரதான் கல்வி அமைச்சர் பதவியில் இருந்து விலகுவதாக பிரதமர் மோடிக்கு கடிதம் அனுப்பியிருக்கிறார்.
இந்நிலையில் போராட்டத்தின் போது, பிரதமர் மோடி அண்மையில் தொடங்கி வைத்த இந்தியாவின் முதல் ஹைட்ரஜன் ரயில் மீது கரப்பான் பூச்சி கட்சியினர் கல் வீசியதாக பாஜகவினர் வீடியோ ஒன்றை வைராலாக்கி வருகின்றனர்.
நாட்டின் பெருமையாக தொடங்கி வைக்கப்பட்ட முதல் #ஹைட்ரஜன்_ரயிலின் மீது டெல்லியில் உள்ள #கரப்பான்_பூச்சிகள்
கற்களை வீசுகின்றன..!!
பாஜக மற்றும் மோடியை அவர்கள் ஏன் எதிர்க்கிறார்கள் என்பது எனக்குப் புரிகிறது... ஆனால், மோடியை எதிர்ப்பதற்காகத் தங்கள் சொந்த நாட்டையே அவர்கள் ஏன்… pic.twitter.com/u7lrr86IDV
உண்மை என்ன?
பரவி வீடியோவை கூகுள் ரிவர்ஸ் இமேஜ் மூலம் தேடிப் பார்த்தோம். அப்போது Republic World ஊடகப் பக்கத்தில் “Students Protest Against Train Delay, Clash With Police | Patna | Bihar” என்று குறிப்பிட்டு பரவி வரும் வீடியோ ஜூன் 14, 2026 அன்று வெளியாகியிருந்ததை பார்க்கமுடிந்தது.
இதையடுத்து இதை வைத்துக்கொண்டு keywords மூலம் கூகுளில் தேடினோம். அப்போது “Stone pelting, vandalism erupt at Patliputra station over train delays ahead of Bihar police exam” என்ற தலைப்பில் The New Indian Express ஊடகத்தில் ஜூன் 14, 2026 அன்று இது குறித்து செய்தி வெளியாகியிருந்தது. அதில் பீகார் காவல்துறை பணிக்கான தேர்வில் கலந்துக்கொள்ள சென்ற மாணவர்களுக்கு போதுமான ரயில் இல்லாததால் மாணவர்கள் போராட்டத்தில் ஈடுபட்டனர் என்று குறிப்பிடப்பட்டிருந்தது.
மேலும் பரவி வரும் வீடியோ குறித்து Northern Railway எக்ஸ் பக்கத்தில் விளக்கமளிக்கப்பட்டிருந்ததை பார்க்கமுடிந்தது. அதில் பரவி வரும் வீடியோவில் இருப்பது ஹைட்ரஜன் ரயில் இல்லை என்றும், அது WAG 12 வகை இன்ஜின் மூலம் இயக்கப்படும் ஒரு ரயில் என்றும், பரவி வருவது பழைய காணொளி என்றும் குறிப்பிடப்பட்டிருந்தது.
वीडियो में दिख रही train hydrogen ट्रेन नहीं है... यह WAG 12 लोको द्वारा संचालित ट्रेन है। संभवतः यह कोई पुराना वीडियो है। Hydrogen ट्रेन अपने तय समय के अनुसार अपनी सेवाएं दे रही है pic.twitter.com/fOJB6OR4Ay
முடிவு:
கிடைத்திருக்கும் ஆதாரங்களின் படி, பரவி வருவது பீகார் காவல்துறை பணிக்கான தேர்வில் கலந்துக்கொள்ள சென்ற மாணவர்களுக்கு போதுமான ரயில் இல்லாததால் மாணவர்கள் போராட்டத்தில் ஈடுபட்ட போது எடுக்கப்பட்ட வீடியோவாகும். இதை கரப்பான் பூச்சி கட்சியினர் போராட்டத்தோட தொடர்ப்புப்படுத்தி தவறாக பரப்புகின்றனர்.
