பூ கட்டும் மெஷின் என்று பரவும் AI வீடியோ!

pooo matum machine 

Youtube Link / Archived Link

பூ கட்டும் மெஷின் என்று கூறி வீடியோ ஒன்று வைரலாகி வருகிறது. அதில் கையில் பூக்கள் கட்டாமல், மோட்டார் போல் உள்ள ஒரு மெஷின் பூக்கள் கட்டுவது போன்ற காட்சிகள் இடம்பெற்றிருந்தது. 

உண்மை என்ன? 

பரவி வரும் இந்த வீடியோ கூகுள் ரிவர்ஸ் இமேஜ் மூலம் தேடிப் பார்த்தோம். அப்போது Tamil Aacharyam என்ற யூடியூப் பக்கத்திற்கு அழைத்துச் சென்றது. அதில் ஜனவரி 09, 2026 அன்று ”பூ கட்டும் மெஷின்”  என்று தலைப்பிட்டு பரவி வரும் வீடியோ பதிவாகியிருந்தது. மேலும் அந்த வீடியோவில் இது ஆராய்ச்சி, விழிப்புணர்வு மற்றும் பொழுதுபோக்கு நோக்கங்களுக்காக செயற்கை நுண்ணறிவைப் பயன்படுத்தி உருவாக்கப்பட்டது என்று குறிப்பிட்டுருந்தது. 

இதையடுத்து அந்த யூடியூப் பக்கத்தை ஆய்வு செய்தி பார்த்தோம். அப்போது Description-ல் AI Creative வீடியோஸ் என்று குறிப்பிட்டிருந்ததை பார்க்கமுடிந்தது. அதே போல் அந்த பக்கத்தில் AI மூலம் உருவாக்கப்பட்ட பல்வேறு வீடியோக்கள் இருந்ததையும் பார்க்கமுடிந்தது. 

இது AI மூலம் உருவாக்கப்பட்ட  என்பதை உறுதி செய்ய, பரவி வரும் வீடியோவின் screenshotகளை Hive Moderation இணையதளப்பக்கத்தில் பதிவேற்றம் செய்து ஆய்வு செய்தோம். ஆய்வின் முடிவில் இந்த வீடியோ, 99.9% AI மூலம் உருவாக்கப்பட்டது தான் என்பது உறுதியானது. 

முடிவு: 

எனவே, பூ கட்டும் மெஷின் என்று சமூகவலைதளங்களில் பரவி வரும் வீடியோ உண்மையானதல்ல. AI தொழில்நுட்பத்தால் உருவாக்கப்பட்டது.