பாய்க்கடை பிரியாணியில் சாக்கடை நீர் என்று பரவும் ஏஐ வீடியோ!

பாய் கடை பிரியாணி டேஸ்டாக இருப்பதன் ரகசியம்..

இதை சொன்னால் எவன் கேட்கிறான் இந்த எச்சை சோத்துக்கு தான் காசையும் கொடுத்து நாக்கை தொங்க போட்டு வெறி‌புடிச்ச நாயை போல அலையுறாங்க....

பாய்க்கடை பிரியாணியில் சாக்கடை நீர் கலப்பதாக ஒரு வீடியோ வாட்ஸ் அப்பில் வைரலாகி வருகிறது. அதில் பிரியாணி செய்திருக்கும் பாத்திரத்திற்கு அருகில் உள்ள சாக்கடை நீரை கரண்டி மூலம் பிரியாணியில் ஊற்றுவது போன்ற காட்சிகள் இடம்பெற்றிருந்தது. 

உண்மை என்ன? 

வாட்ஸ் அப்பில் பரவி வரும் இந்த வீடியோவை கூகுள் ரிவர்ஸ் இமேஜ் மூலம் தேடிப் பார்த்தோம். அப்போது பல்வேறு யூடியூப் பக்கங்களிலும் பாய் கடை பிரியாணி டேஸ்டாக இருப்பதன் ரகசியம் என்று குறிப்பிட்டு இந்த வீடியோ பதிவாகியிருந்ததை பார்க்கமுடிந்தது. ஆனால் இந்த வீடியோ உண்மையா என்பதை குறித்து எந்த தகவலும் கிடைக்கவில்லை. 

இதையடுத்து இது AI மூலம் உருவாக்கப்பட்டிருக்குமோ என்ற சந்தேகத்தின் அடிப்படையில் பரவி வரும் வீடியோவின் screenshotகளை HIVE MODERATION இணையதளப்பக்கத்தில் பதிவேற்றம் செய்து ஆய்வு செய்தோம். ஆய்வின் முடிவில் இந்த வீடியோ, 91.2% AI மூலம் உருவாக்கப்பட்டது தான் என்பது உறுதியானது. 

இதற்கு முன்பும் இதே போன்று ஏஐ புகைப்படங்கள் சமூக ஊடகங்களில் பரவின. அப்போதே இது குறித்து ஆய்வு செய்து நம் பக்கத்தில் கட்டுரைகள் வெளியிட்டுள்ளோம்.

மேலும் படிக்க : ‘விசித்திரமான உயிரினங்கள்’ என்று பரவும் AI வீடியோ!

மாட்டிறைச்சி கடையில் இருந்த பசுமாட்டை வேதனையுடன் பார்த்த மற்றொரு பசுமாடு என்று பரவும் ஏஐ வீடியோ!

முடிவு: 

எனவே, பாய்க்கடை பிரியாணியில் சாக்கடை நீர் கலப்பதாகப் பரவும் வீடியோ உண்மையானதல்ல. AI தொழில்நுட்பத்தால் உருவாக்கப்பட்டது.