யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
‘aikalakari’ என்ற இன்ஸ்டாகிராம் பயனர் மூலம் AI தொழில்நுட்பத்தை பயன்படுத்தி உருவாக்கப்பட்ட வீடியோ இது. இதனை 'Lamborghini' காரை உடைக்கும் மாடுகள் என்று கூறி தவறாகப் பரப்பி வருகின்றனர்.
பரவிய செய்தி
நாங்க வர்ற வழியில எவண்டா காரை நிப்பாட்டி வச்சது? காவி நிறத்தில் கார் இருந்தால் பயப்படுவதற்கு நாங்க என்ன உ பி போலீசா?
விரிவான விளக்கம்
சாலையில் சென்றுக்கொண்டிருந்த 'Lamborghini' காரை மாடுகள் உடைக்கும் வீடியோ ஒன்று வைரலாகி வருகிறது.
நாங்க வர்ற வழியில எவண்டா காரை நிப்பாட்டி வச்சது? காவி நிறத்தில் கார் இருந்தால் பயப்படுவதற்கு நாங்க என்ன உ பி போலீசா?
pic.twitter.com/X4WUGaV5G4
உண்மை என்ன?
பரவி வரும் இந்த வீடியோவை கூகுள் ரிவர்ஸ் இமேஜ் மூலம் தேடி பார்த்தோம். அப்போது aikalaakari என்ற இன்ஸ்டாகிராம் பக்கத்திற்கு அழைத்து சென்றது. அதில் அக்டோபர் 4 அன்று, “Angry cow damages a Lamborghini in India!” என்ற குறிப்பிட்டு பரவி வரும் வீடியோ இடம்பெற்றிருந்ததை பார்க்கமுடிந்தது. அதில் அந்த பக்கத்தின் பயனர் மூலம் AI தொழில்நுட்பத்தை பயன்படுத்தி உருவாக்கப்பட்ட வீடியோ என்று குறிப்பிடப்பட்டிருந்தது.
இதையடுத்து இது AI மூலம் உருவாக்கப்பட்டிருக்கும் என்பதை உறுதிப்படுத்த, பரவி வரும் வீடியோவின் screenshotகளை 'Was It AI' இணையதளப்பக்கத்தில் பதிவேற்றம் செய்து ஆய்வு செய்தோம். ஆய்வின் முடிவில் இந்த வீடியோ, AI மூலம் உருவாக்கப்பட்டது தான் என்பது உறுதியானது.
இதற்கு முன்பும் இதே போன்று ஏஐ புகைப்படங்கள் சமூக ஊடகங்களில் பரவின. அப்போதே இது குறித்து ஆய்வு செய்து நம் பக்கத்தில் கட்டுரைகள் வெளியிட்டுள்ளோம்.
மேலும் படிக்க :
மேக வெடிப்புக் காட்சிகள் என்று கூறி பரவி வரும் AI வீடியோ!
நியூயார்க் மெட்ரோ ரயிலில் நடந்த சம்பவம் என்று பரவும் AI வீடியோ!
முடிவு:
எனவே, ‘aikalakari’ என்ற இன்ஸ்டாகிராம் பயனர் மூலம் AI தொழில்நுட்பத்தை பயன்படுத்தி உருவாக்கப்பட்ட வீடியோ இது. இதனை 'Lamborghini' காரை உடைக்கும் மாடுகள் என்று கூறி தவறாகப் பரப்பி வருகின்றனர்.
