ராகுல்காந்தியை தலைகுனிந்து வணங்கும் உத்தவ் தாக்கரே எனப் பரவும் போலியான புகைப்படம்!

காங்கிரசை நடுங்க வைத்த மராத்திய புலி பாலாசாகேப் தாக்கரேயின் மகன் உத்தவ் தாக்கரேயின் பரிதாப நிலை! பாலாசாகேப் தாக்கரே புலிக்கு பிறந்த முதுகெலும்பற்ற, வெட்கமற்ற, பயனற்ற தலைவர்..

X Link | Archive Link

மகாராஸ்டிரா மாநிலத்தின் முன்னாள் முதலமைச்சரும், சிவசேனா கட்சியின் தலைவருமான உத்தவ் தாக்கரே, எதிர்க்கட்சி தலைவரான எம்பி ராகுல் காந்தியின் முன் கைகூப்பியபடி குனிந்து வணங்குவதைப் பாருங்கள் என்று கூறி புகைப்படம் ஒன்று சமூக ஊடகங்களில் வைரலாகப் பரவி வருகிறது. 

यह कुर्सी का लालच भी

क्या-क्या नहीं करवाता इंसान से?? pic.twitter.com/Mrj1pe0e0g

— Kangana Ranautinn (@kanganaranautin) August 14, 2024

After seeing this, I understood how the cunning Hindu kings used to join hands with the Mughals to defeat their enemy Hindu kings. pic.twitter.com/hqyJuiLrRM

— MJ (@MJ_007Club) August 16, 2024

உண்மை என்ன?

பரவி வரும் புகைப்படத்தை “Google Reverse Image Search” பயன்படுத்தி தேடியதில், 'NDTV’ ஆகஸ்ட் 08 அன்று, “சிவசேனா (UBT) தலைவர்கள் உத்தவ் தாக்கரே, ஆதித்யா தாக்கரே மற்றும் சஞ்சய் ரவுத் ஆகியோர் டெல்லி முதல்வர் அரவிந்த் கெஜ்ரிவாலின் பெற்றோர், மகள் மற்றும் மனைவியைச் சந்தித்தனர். சுனிதா கெஜ்ரிவால், ஆம் ஆத்மி எம்பிக்கள் ராகவ் சதா, சஞ்சய் சிங் ஆகியோரும் உடன் உள்ளனர்” என்று குறிப்பிட்டு இது தொடர்பான புகைப்படங்களை பதிவு செய்திருந்தது.

#InPics | Shiv Sena (UBT) leaders Uddhav Thackeray, Aditya Thackeray and Sanjay Raut meet Delhi CM Arvind Kejriwal's parents, daughter and wife Sunita Kejriwal. AAP MPs Raghav Chadha and Sanjay Singh also present. pic.twitter.com/ugiUWvtykd

— NDTV (@ndtv) August 8, 2024

அதில்  உத்தவ் தாக்கரே, அரவிந்த் கெஜ்ரிவாலின் பெற்றோரை குனிந்து கைக்கூப்பி வணங்குவதைக் காண முடிகிறது. 

மேலும் உத்தவ் தாக்கரே, ராகுல்காந்தியை சமீபத்தில் சந்தித்தாரா என்பது குறித்தும் ஆய்வு செய்து பார்த்தோம். உத்தவ் தாக்கரே தனது எக்ஸ் பக்கத்தில் எம்பி ராகுல் காந்தி மற்றும் காங்கிரஸ் தலைவர் மல்லிகார்ஜுன கார்கேவை டெல்லியில் சந்தித்ததாகக் குறிப்பிட்டு ஆகஸ்ட் 07 அன்று புகைப்படங்களை பதிவு செய்திருந்தார்.

ஆனால் இதில் எங்கும்  உத்தவ் தாக்கரே, ராகுல் காந்தியை குனிந்து கைக்கூப்பி வணங்குவது போன்று எந்த புகைப்படங்களும் இல்லை. 

पक्षप्रमुख मा. श्री. उद्धवसाहेब ठाकरे ह्यांनी विरोधी पक्षनेते राहुल गांधी, काँग्रेस अध्यक्ष मल्लिकार्जुन खरगे यांची दिल्लीत भेट भेटली. यावेळी युवासेनाप्रमुख शिवसेना नेते आमदार आदित्य ठाकरे आणि शिवसेना नेते खासदार संजय राऊत उपस्थित होते.@RahulGandhi @kharge @AUThackeray… pic.twitter.com/8O3lM1e23h

— ShivSena - शिवसेना Uddhav Balasaheb Thackeray (@ShivSenaUBT_) August 7, 2024

மேலும் இது குறித்து ஆய்வு செய்தததில், உத்தவ் தாக்கரே, அரவிந்த் கெஜ்ரிவாலின் பெற்றோரை குனிந்து கைக்கூப்பி வணங்கிய போது எடுக்கப்பட்ட புகைப்படத்தை, ராகுல்காந்தியை சமீபத்தில் சந்தித்த போது எடுக்கப்பட்ட புகைப்படத்துடன் எடிட் செய்து சமூக ஊடகங்களில் பரப்பப்பட்டு வருவதை அறிய முடிந்தது. 

முடிவு:

நம் தேடலில், மகாராஸ்டிரா மாநிலத்தின் முன்னாள் முதலமைச்சரும், சிவசேனா கட்சியின் தலைவருமான உத்தவ் தாக்கரே, எதிர்க்கட்சி தலைவரான எம்பி ராகுல் காந்தியின் முன் கைகூப்பியபடி குனிந்து வணங்குவதைப் பாருங்கள் என்று கூறி பரவும் புகைப்படம் போலியானது என்பதை அறிய முடிகிறது.