கள்ளக்குறிச்சி - சங்கராபுரம் ஆறுவழிச்சாலை எனப்பரவும் AI தொழில்நுட்ப புகைப்படம்!

அற்புதமான இந்த நீண்ட சாலை அமெரிக்கா இல்லை நமது இந்தியாவில் தமிழ்நாட்டில் உள்ள கள்ளக்குறிச்சி - சங்கராபுரம் இடையிலான ஆறுவழி விரைவுச்சாலை தான்!!!! நடுநடுவே இணைப்பு சாலைகள் கொண்ட இந்த அழகான சாலை ரோடு மாமாந்தூர் தொழில்துறை புறநகர் பகுதியான அரியபெருமானூர், மற்றும் புதிய புறநகர் பகுதியான கிரேட்டர் மூரார்பாளையம் இணைக்கும் 25கிலோமீட்டர் நீளம் கொண்ட ஆறுவழி விரைவுச்சாலை ஆகும்!!!

தமிழ்நாட்டில் உள்ள கள்ளக்குறிச்சி - சங்கராபுரம் ஆறுவழி சாலை என வாட்சப்பில் பரப்பப்படும் இப்புகைப்படத்தை யூடர்ன் வாசகர் ஒருவர் அனுப்பி இதன் உண்மைத் தன்மை கேட்டிருந்தார்.

உண்மை என்ன?

கள்ளக்குறிச்சி - சங்கராபுரம் ஆறுவழி சாலை எனச் சொல்லப்படும் படத்தை கூகுள் ரிவர்ஸ் இமேஜ் சர்ச் மூலம் தேதியதில், இதே படம் நொய்டா-கிரேட்டர் நொய்டா இணைக்கும் சாலைகள் எனக் குறிப்பிட்டு சமூக ஊடகங்களில் பரப்பப்பட்டு வருவதையும் காண முடிந்தது.

மேலும் பரவிவரும் புகைப்படம் செயற்கை தொழில்நுட்பத்தால் உருவாக்கப்பட்டவையா என்ற கோணத்தில் தேடினோம். வைராலகும் புகைப்படத்தை Hive moderation மற்றும் sightengine போன்ற இணையதளப்பக்கத்தில் பதிவேற்றி ஆய்வு செய்ததில், இப்புகைப்படம் AI தொழில்நுட்பத்தால் உருவாக்கப்பட்டவை எனத் தெரிய வந்தது.

இவற்றிலிருந்து பரப்பப்படும் படம் AI தொழில்நுட்பத்தால் உருவாக்கப்பட்டது என்பதை அறிய முடிகிறது.

இது போன்ற AI தொழில்நுட்பத்தால் உருவாக்கப்பட்டு தவறான தகவலோடு பகிரப்பட்ட செய்திகளை நம் யூட்டர்ன்  உண்மையை சரிபார்த்து கட்டுரைகளை வெளியிட்டிருக்கிறது.

மேலும் படிக்க: கும்ப கர்ணனின் வாள் என்று பரப்பப்படும் புகைப்படங்கள்!

மேலும் படிக்க: தங்க ஆடையில் ஆனந்த் அம்பானி மற்றும் ராதிகா மெர்சண்ட் எனப் பரவும் AI புகைப்படம்!

முடிவு:

நம் தேடலின் வாயிலாக பரவி வரும் புகைப்படம் AI தொழில்நுட்பத்தால் உருவாக்கப்பட்டு தவறான தகவலோடு பகிரப்படுகின்றது என்பது தெளிவாகிறது.