மதுரை முருகன் மாநாட்டிற்கு காவிக் கொடியுடன் பைக்கில் வந்த பெண் என்று பரப்பப்படும் வீடியோ! உண்மை என்ன?

மதுரை முருகன் மாநாட்டில் காவி கொடி பட்டொலி வீசி பறந்ததை பார்த்து மிகவும் ஆனந்தமாக இருந்தது.

Link / Archive Link 

காவி நிறத்தில் புடவை அணிந்த இளம்பெண் ஒருவர், புல்லட் பைக்கில் கையில் காவிநிறக் கொடியுடன் செல்லும் வீடியோவை பதிவிட்டு, சமீபத்தில் மதுரையில் முருகன் மாநாட்டிற்கு  அந்தப் பெண் காவி கொடியுடன் பைக்கில் வந்ததாக சமூக வலைத்தளத்தில் இந்துத்துவவாதிகளால் பரப்பப்படுகிறது.

உண்மை என்ன?

பரப்பப்படும் இந்த வீடியோவின் keyframe-களைக் கொண்டு தேடுகையில், இன்ஸ்டாகிராமில் ‘Kajal Dutta’ என்ற பக்கத்தில் இந்த வீடியோவைக் காணமுடிந்தது. இந்த வீடியோ கடந்த ஏப்ரல் 6ஆம் தேதி பதிவிடப்பட்டுள்ளது. அதில், இந்த பெண் பெங்காலி என்று குறிப்பிடப்பட்டுள்ளது. அதாவது, இவர் மேற்கு வங்கத்தைச் சேர்ந்தவர்.

மேலும் இந்த இன்ஸ்டாகிராம் பக்கத்தை ஆய்வு செய்ததில், அவர் இந்த வீடியோவில் இருப்பது போன்று பைக் சாகசம் செய்து வெளியிட்டிருந்த பல வீடியோக்களைக் காணமுடிந்தது. மேலும் அவரது இன்ஸ்டாகிராம் பக்கத்தில் தன்னை ‘Biker Girl' என்று குறிப்பிட்டுள்ளார்.

இதிலிருந்து, மேற்கு வங்கத்தைச் சேர்ந்த ’காஜல் தத்தா’ என்ற பெண் பொதுவாக பைக்கில் சாகசப் பயணம் செய்து இன்ச்டாகிராமில் வெளியிட்ட வீடியோவை, மதுரையில் நடைபெற்ற முருகன் மாநாட்டிற்கு செல்லும் போது எடுக்கப்பட்டதாக தவறாக பரப்புகிறார்கள் என்பது தெரியவருகிறது. 

முடிவு:

கடந்த ஏப்ரல் மாதம், மேற்கு வங்கத்தைச் சேர்ந்த பெண் பொதுவாக பைக்கில் சாகசப் பயணம் செய்து வெளியிட்ட வீடியோவை, ஜீன் 22ஆம் தேதி நடந்த மதுரை முருகன் மாநாட்டுடன் தொடர்புபடுத்தி இந்துத்துவவாதிகள் தவறாக பரப்புகிறார்கள்.