யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
கடந்த 2019ல் பெரியார் சிலை அறந்தாங்கியில் உடைக்கப்பட்டபோது வெளியிடப்பட்ட செய்தி இது. இதை தற்போது நடந்தது என்று கூறி தவறாகப் பரப்பி வருகின்றனர்.
பரவிய செய்தி
விரிவான விளக்கம்
அறந்தாங்கியில் பெரியார் சிலை உடைப்பு என்று கூறி வீடியோ ஒன்று சமூக ஊடகங்களில் வைரலாகப் பரவி வருகிறது. வீடியோவில் பெரியார் சிலையின் தலை உடைக்கப்பட்டு இருப்பதை தெளிவாகக் காண முடிகிறது. மேலும் வீடியோ, தந்தி டிவியில் வெளியிடப்பட்ட செய்தி என்பதையும் அறிய முடிகிறது.
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், பரவி வரும் வீடியோ தற்போது எடுக்கப்பட்டதல்ல என்பதை அறிய முடிந்தது.
கடந்த 2019ல் “தந்தி டிவி” யூடியூப் பக்கத்தில் பெரியார் சிலை புதுக்கோட்டை மாவட்டம் அறந்தாங்கியில் உடைக்கப்பட்டபோது வெளியிடப்பட்ட செய்தி இது. இந்த வீடியோவை, தற்போது நடைபெற்ற சம்பவம் போல் பலரும் சமூக ஊடகங்களில் தவறாகப் பரப்பி வருகின்றனர்.
மேலும் இது குறித்து விகடன் பக்கத்திலும் கடந்த 2019 ஏப்ரலில் செய்தி வெளியிடப்பட்டுள்ளது.
முடிவு:
நம் தேடலில், அறந்தாங்கியில் பெரியார் சிலை உடைப்பு என்று கூறி பரவும் வீடியோ கடந்த 2019ல் நடைபெற்ற சம்பவம் என்பது உறுதியாகிறது.
