அகமதாபாத் மெட்ரோ நிலையம் என்று பரவும் ஜப்பான் வீடியோ!

குஜராத் மாநிலத்தில் அகமதாபாத் மெட்ரோ ரயில் நிலையம்......

X Link | Archived Link

குஜராத் மாநிலத்தில் உள்ள அகமதாபாத்தில் புதிய தொழில்நுட்பத்துடன் மெட்ரோ ரயில் நிலையம் அமைக்கப்பட்டுள்ளதாக வீடியோ ஒன்று பரவி வருகிறது. அதே போல் மற்றொரு பதிவில் இது சீனாவில் உள்ள ரயில் பாதை என்று குறிப்பிடப்பட்டிருந்தது.  

உண்மை என்ன?

பரவி வரும் இந்த வீடியோ குறித்து கூகுள் ரிவர்ஸ் இமேஜ் மூலம் தேடி பார்த்தோம். அப்போது hdvideoridha என்ற யூடியூப் சேனலில் "japan's monorail track switching,hd" என்ற தலைப்பில் 20 ஜூன் 2018 அன்றே பரவி வரும் வீடியோ காட்சிகள் பதிவாகியிருந்ததை பார்க்கமுடிந்தது. 

இதை வைத்து மேலும் எதேனும் தகவல் கிடைக்கிறதா என்பது குறித்துதேடி பார்த்தோம். Livedoor. jp என்ற ஜப்பான் இணையதளப்பக்கத்தில்இது குறித்து செய்தி வெளியாகியிருந்தது. அதை மொழிமாற்றம் செய்து பார்த்த போது, ஜப்பானில் நகர்ப்புற போக்குவரத்தின் ஒரு பகுதியாக மோனோ ரயில்கள் பயன்படுத்துவதாகவும், சுற்றுலா தலங்களைஅணுகுவதற்கும், நகரங்களுக்கு இடையே பயணிப்பதற்கும் அவை உதவுவதாகவும் குறிப்பிடப்பட்டிருந்தது. 

அதே போல் interesting engineering என்ற இணையதளப்பக்கத்திலும், "Watch These Japanese Monorail Lines Change Paths with Ease" என்ற தலைப்பில் இது குறித்து கூறப்பட்டிருந்தது. அதில் ஜப்பான் நாட்டின் டோக்கியோவில் இந்த மோனோ ரயில் பாதைகள் இருப்பதாகவும், இதில் ஒவ்வொரு நாளும் சராசரியாக 1,30,000 பயணிகள் பயணிக்கின்றனர் எனவும் குறிப்பிடப்பட்டிருந்தது. 

முடிவு:

நம் தேடலில்,பரவி வரும் வீடியோ ஜப்பான் நாட்டை சேர்ந்த monorail track switching ஆகும். அதே போல் இந்த வீடியோ கடந்த 2018ஆம் ஆண்டு முதலே பல்வேறு சமூகவலைதளப்பக்கங்களில் பரவி வருகிறது. இதனை குஜராத் மற்றும் சீனாவில் உள்ள மெட்ரோ நிலையம் என்று கூறி தவறாக பரப்பி வருகின்றனர்.