சேதாரம் அடைந்துள்ள pink பேருந்துகள் என்று தவறாக பரவும் வீடியோ!

இந்த  பஸ் தான் போட்டியில் முதல் இடத்தில் வரும் துணை முதல்வர் சொன்னாரே மொத்த பஸ் அப்பளம் மாதிரி நொருங்கி கடக்குது

X Link / Archived Link

தமிழ்நாட்டில் உள்ள மகளிர் விடியல் பேருந்துகள் குறித்து பல விவாதங்கள் நடந்துள்ளன. சமீபத்தில் கூட துணை முதல்வர் உதயநிதி ஸ்டாலின், பிங் பேருந்து தான் முதலிடம் வரும் என்று பேசிருந்தார். அதை குறித்து தற்போது தமிழ்நாட்டில் உள்ள pink பேருந்துகள் அனைத்தும் சேதாரம் அடைந்துள்ளதாக வீடியோ ஒன்று வைரலாகி வருகிறது. 

இந்த 🩷 பஸ் தான் போட்டியில் முதல் இடத்தில் வரும் துணை முதல்வர் சொன்னாரே😂 மொத்த பஸ் அப்பளம் மாதிரி நொருங்கி கடக்குது😂😂😂 pic.twitter.com/MqFQ0n1rv2

— மீனாட்சி (@meena_housewife) April 6, 2026

உண்மை என்ன? 

பரவி வரும் வீடியோவில் hnt_clicks என்ற water mark இருந்ததை பார்க்கமுடிந்தது. இதையடுத்து அந்த வாட்டர் மார்க்கை வைத்து தேடினோம். அப்போது அந்த இன்ஸ்டாகிராம் பக்கத்திற்கு அழைத்து சென்றது. ஏப்ரல் 04, 2026 அன்று பரவி வரும் அதே வீடியோ பதிவாகியிருந்ததை பார்க்கமுடிந்தது. அதில் TNSTC SCRAPPED BUS என்று குறிப்பிடப்பட்டிருந்தது பார்க்கமுடிந்தது. 

View this post on Instagram

A post shared by BUS HUNTER (@hnt_clicks)

இது குறித்து மேலும் தேடிய போது, veeraa என்ற யூடியூப் பக்கத்தில் ”நம்ம விருதுநகரில் SCRAPPED IN TNSTC BUSES Virudhunagar” என்ற தலைப்பில் 23 செப்டம்பர், 2024 அன்று ஒரு வீடியோ பதிவாகியிருந்தது. அந்த வீடியோவும், பரவும் வீடியோவும் ஒத்துப்போவதை பார்க்கமுடிந்தது. 

பரவி வரும் வீடியோவில் இருப்பது அனைத்தும் scrapped பேருந்துகள் ஆகும். 15 - 16 வருடங்கள் ஆனாதல், அந்த பேருந்துகளை scrap-ல் போடுவது இயல்பான ஒன்று தான். பேருந்துகளில் உள்ள இரும்புகளை எல்லாம் தனிதனியாக எடுத்து அதை உருக்கி மறுசுழற்சி செய்வார்கள். இதற்காக நிறுத்திவைக்கப்பட்டுள்ள பேருந்துகளின் வீடியோவை எடுத்து, சேதாரம் அடைந்துள்ள pink பேருந்துகள் என்று பரப்புகின்றனர். 

முடிவு: 

எனவே, தமிழ்நாட்டில் உள்ள pink பேருந்துகள் அனைத்தும் சேதாரம் அடைந்துள்ளதாக பரவி வரும் வீடியோ தவறானவை. வீடியோவில் இருப்பது அனைத்தும் scrapped பேருந்துகள் ஆகும்.