செந்தாமரையும், சாட்டை துரைமுருகனும் நடனமாடியதாக பரவும் வீடியோ! உண்மை என்ன?

செந்தாமரை & சாட்டை 

X Link / Archived Link

முன்னாள் முதலமைச்சர் மு.க.ஸ்டாலின் மகள் செந்தாமரையும், நாம் தமிழர் கட்சியை சேர்ந்த சாட்டை துரைமுருகனும் இணைந்து நடனமாடியதாக வீடியோ ஒன்று இணையதளத்தில் வைரலாக பரவி வருகிறது. 

செந்தாமரை & சாட்டை 🔥🔥🔥pic.twitter.com/hjMbdTeyV5

— Dr. தீபக் (@nikaran_tn) May 3, 2025

உண்மை என்ன? 

பரவி வரும் வீடியோவின் கூகுள் ரிவர்ஸ் இமேஜ் முறையில் தேடினோம். அப்போது, Praveen Meppayur என்பவரின் இன்ஸ்டாகிராம் பக்கத்திற்கு அழைத்து சென்றது. அந்த பக்கத்தில் ”90’s kid wth 20’s kid” என்கிற தலைப்பில் இந்த நடன வீடியோ கடந்த ஏப்ரல் 6ஆம் தேதி 2025 அன்று வெளியிடப்பட்டிருந்தது. 

மேலும், அவரது சமூக வலைத்தளப்பக்கத்தில் இதே போன்று பல்வேறு வீடியோக்கள் இடம்பெற்றிருந்ததுடன், அவருடைய பயோவில் அவர் நடிகர், நடன கலைஞர், பாடகர் என்றும், கேரள மாநிலம் கோழிக்கோடு பகுதியை சேர்ந்தவர் என்றும் குறிப்பிடப்பட்டிருந்தது. 

இது குறித்து மேலும் தேடிய போது, அவருடைய ஃபேஸ்புக் பக்கத்தில் இந்த வீடியோவை கடந்த ஏப்ரல் 14ஆம் தேதியன்று பதிவிடப்பட்டு, அதில் தன்னுடைய இந்த வீடியோவிற்கு 11 லட்சம் பார்வைகள் கிடைத்திருப்பதாக குறிப்பிட்டுருந்ததையும் பார்க்கமுடிந்தது. 

முடிவு: 

கிடைத்திருக்கும் ஆதாரங்ககளின் படி, பரவி வரும் வீடியோவில் இருப்பவர் கேரளா மாநிலத்தை சேர்ந்த பிரவீன் என்ற நபராகும். இதை முன்னாள் முதலமைச்சர் மு.க.ஸ்டாலின் மகள் செந்தாமரையும், நாம் தமிழர் கட்சியை சேர்ந்த சாட்டை துரைமுருகனும் இணைந்து நடனமாடியதாக தவறாகப் பரப்புகின்றனர்.