யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
இந்த புகைப்படத்தில் உள்ள சின்னம் விசில் சின்னம் இல்லை. தேர்தல் ஆணையத்தின் Logo ஆகும்.
பரவிய செய்தி
விரிவான விளக்கம்
மனிதர்கள் கூடி நின்று குறிப்பிட்ட ஏதேனும் உருவமாக நிற்கும் ’Human Formation’ ஒன்றின் புகைப்படத்தை தமிழ்நாடு தேர்தல் ஆணையம் வெளியிட்டுள்ளது. அந்த ’Human Formation’ விசில் சின்னம் போல் இருப்பதாகவும், தேர்தல் ஆணையமே தமிழக வெற்றிக் கழகத்தின் சின்னமான விசில் சின்னத்தை பிரச்சாரம் செய்வதாகவும் தவெக ஆதரவாளர் சமூக வலைத்தளத்தில் பதிவிட்டுள்ளார்.
என்ன விசிலுக்கு தேர்தல் ஆணையமே ஓட்டு கேட்குது 🧐🔥❤ pic.twitter.com/jknJntNnn3
உண்மை என்ன?
இந்த புகைப்படத்தை ’Reverse Image Search’ மூலமாக இணையத்தில் தேடியபோது, ’தமிழ்நாடு முதன்மை தேர்தல் அதிகாரி’யின் அதிகாரப்பூர்வ இந்த புகைப்படத்தைக் காணமுடிந்தது.
தேர்தல் பங்கேற்பை ஊக்கப்படுத்தும் வகையிலும், வருகின்றன 2026 சட்டமன்றத்தில் தேர்தலில் 100 சதவீத வாக்கு பதிவு என்ற இலக்கை முன்வைத்தும் நாமக்கல் மாவட்டத்தில் தேர்தல் ஆணையம் சார்பாக இந்த ’Human Formation’ நிகழ்த்தப்பட்டுள்ளது.
மேலும் இது குறித்து ‘Chennai Online’ என்ற வலைத்தளம் வெளியிட்டுள்ள செய்தியில், நாமக்கல் மாவட்டத்தில் தேர்தல் ஆணையம் ஏற்பாடு செய்துள்ள இந்த நிகழ்வில் கல்லூரி ஆசிரியர்கள், மாணவர்கள் என 8,662 பேர் கலந்து கொண்டதாகவும், அவர்கள் பல்வேறு சின்னங்களில் ஒழுங்கமைத்து நின்று தேர்தலில் வாக்களிப்பது குறித்து விழிப்புணர்வு ஏற்படுத்தியதாகவும் குறிப்பிடப்பட்டுள்ளது.
மேலும், இந்த புகைப்படத்தில் உள்ள சின்னம் விசில் சின்னம் இல்லை. அது தேர்தல் ஆணையத்தின் Logo ஆகும். மயிலாடுதுறை, விழுப்புரம் போன்ற இடங்களிலும் இவ்வாறு விழிப்புணர்வு நிகழ்ச்சிகளை தேர்தல் ஆணையம் நடத்தியுள்ளது குறிப்பிடத்தக்கது.
முடிவு:
தேர்தலில் வாக்களிப்பது குறித்த விழிப்புணர்வு ஏற்படுத்த தேர்தல் ஆணையத்தின் Logo வடிவில் ’Human Formation’ நிகழ்த்தப்பட்டதை, தேர்தல் ஆணையம் விசில் சின்னத்தை பிரச்சாரம் செய்வதாக தவறாக பரப்பி வருகிறார்கள்.
