விஜய்யின் ஆசிர்வாதத்துடன் பிரச்சாரம் மேற்கொண்டாரா உதயநிதி? உண்மை என்ன?

தளபதி @actorvijay அவர்களின் ஆசீர்வாதத்துடன் பிரச்சாரம் மேற்கொண்ட சின்னவர். 

X Link / Archived Link

விஜய்யின் ஆசிர்வாதத்துடன் பிரச்சாரம் மேற்கொண்டார்  உதயநிதி ஸ்டாலின் என்று அவர் அளித்த நேர்காணால் ஒன்றின் வீடியோ கிளிப் வைரலாகி வருகிறது. 

தளபதி @actorvijay அவர்களின் ஆசீர்வாதத்துடன் பிரச்சாரம் மேற்கொண்ட சின்னவர். #ThalapathyVijay #TVKVijay #TVKForTN #தமிழகவெற்றிக்கழகம்‌ pic.twitter.com/OAOMHcRNbf

— Kaaviya TVK (@kaaviyaTVK) January 6, 2026

உண்மை என்ன? 

பரவி வரும் அந்த வீடியோவில் சன் நியூஸ் லோகோவும், கழகத் தலைவன் படத்தின் போஸ்டரும் இடம்பெற்றிருந்தது. இதைவைத்துக் கொண்டு சன் நியூஸ் ஊடகத்தின் யூடியூப் பக்கத்தில், அந்த நேர்காணால் குறித்து தேடினோம். அப்போது "விஜய் சார்-ஐ கடைசியா மீட் பண்ணப்போ அவர் என்கிட்ட சொன்னது இதுதான் - உதயநிதி ஸ்டாலின்” என்ற தலைப்பில், நவம்பர் 10, 2022 அன்று 19:47 நிமிடங்கள் கொண்ட முழு நேர்காணல் வீடியோ இடம்பெற்றிருந்ததை பார்க்கமுடிந்தது. 

அந்த நேர்காணலை முழுமையாக பார்த்த போது, சரியாக 17:30 நிமிடத்தில் பரவி வரும் வீடியோ கிளிப் இடம்பெற்றிருந்ததை பார்க்கமுடிந்தது. அதில் “தேர்தல் பிரச்சாரம் செல்வதற்கு முன்பு அவருடைய வீட்டிற்கு சாப்பிட அழைத்திருந்தார். அவரிடம் வாழ்த்துகளை பெற்றுவிட்டு தான் பிரச்சாரம் தொடங்கினேன்” என்றே அவர் கூறியுள்ளார். 

முடிவு: 

நம் தேடலில், துணை முதல்வர் உதயநிதி ஸ்டாலின், “தேர்தல் பிரச்சாரம் செல்வதற்கு முன்பு அவருடைய வீட்டிற்கு சாப்பிட அழைத்திருந்தார். அவரிடம் வாழ்த்துகளை பெற்றுவிட்டு தான் பிரச்சாரம் தொடங்கினேன்” என்றே நேர்காணலில் கூறியுள்ளார். இதை விஜய்யின் ஆசிர்வாதத்துடன் பிரச்சாரம் மேற்கொண்டார்  உதயநிதி ஸ்டாலின் என்று திரித்து பரப்புகின்றனர்.