சன் நியூஸ், கலைஞர் ஊடகத்தை தடைச் செய்த ஒன்றிய அரசு என்று பொய் செய்தி பரப்பும் தவெகவினர்!

Modi Govt Bans 5 Platforms for Content : 

- MoodXVIP

- Koyal Playpro

- Digi Movieplex

- Sun News Tamil

- Kalaignar TV

Earlier, Modi Govt banned Ullu and Alt.

X Link / Archived Link

ஒன்றிய அரசு ஆபாச உள்ளடக்கத்தை ஸ்ட்ரீமிங் செய்ததற்காக ஐந்து ஓடிடி தளங்களை தடை செய்ததாகவும், அதில் சன் நியூஸ் மற்றும் கலைஞர் டிவியும் உள்ளதாகவும் சமூகவலைதளங்களில் பதிவு ஒன்று வைரலாகி வருகிறது. 

🚨 Modi Govt Bans 5 Platforms for 🔞 Content :

- MoodXVIP
- Koyal Playpro
- Digi Movieplex
- Sun News Tamil
- Kalaignar TV

Earlier, Modi Govt banned Ullu and Alt.

— JD Trolls :) (@jd_trolls) February 28, 2026

உண்மை என்ன? 

முதலில் ஒன்றிய அரசு தடைச் செய்தது குறித்து தேடினோம். அப்போது இந்து தமிழ் ஊடகத்தில் ”ஆபாச உள்ளடக்கம்: 5 ஓடிடி தளங்களுக்கு மத்திய அரசு தடை” என்ற தலைப்பில் பிப்ரவரி 24, 2026 அன்று செய்தி வெளியாகியிருந்தது. அதில் ஆபாசமான காட்சிகளை ஒளிபரப்பியதாகக் கூறி, ஐந்து ஓடிடி தளங்களுக்கு மத்திய தகவல் மற்றும் ஒளிபரப்பு அமைச்சகம் தடை விதித்துள்ளது.  உள்ளடக்க ஒழுங்குமுறை விதிகளை மீறியதாகக் கூறி MoodXVIP, Koyal Playpro, Digi Movieplex, Feel மற்றும் Jugnu ஆகிய ஐந்து தளங்களை முடக்க மத்திய அரசு உத்தரவிட்டுள்ளது என்று குறிப்பிடப்பட்டிருந்தது. ஆனால் அதில் எங்கும் சன் நியூஸ், கலைஞர் டிவி என்று குறிப்பிடவில்லை. 

இது குறித்து மேலும் தேடியப் போது, The Hindu ஊடகத்திலும் ஆபாச உள்ளடக்கத்தை ஸ்ட்ரீமிங் செய்ததற்காக ஐந்து ஓடிடி தளங்களை ஒன்றிய அரசு தடைசெய்துள்ளதாகவும், MoodXVIP, Koyal Playpro, Digi Movieplex, Feel மற்றும் Jugnu போன்ற ஓடிடி தளங்கள் தடைச் செய்யப்பட்டுள்ளதாகவும் குறிப்பிடப்பட்டிருந்தது. சன் நியூஸ், கலைஞர் ஊடகம் தடைச் செய்யப்பட்டுள்ளதாக எங்கும் செய்தி வெளியாகவில்லை. 

முடிவு: 

எனவே, சன் நியூஸ், கலைஞர் ஊடகம் போன்ற ஊடகங்களை 18 வயதுக்கு மேற்பட்ட உள்ளடக்கத்திற்காக (18+ content) ஒன்றிய அரசு தடை செய்துள்ளதாக பரவும் செய்தி தவறானவை. தவெகவுக்கு ஆதரவாக செயல்படும், JD Troll என்ற எக்ஸ் பக்கத்தில் இதே போன்று தொடர்ச்சியாக பொய் செய்தி மட்டும் பரவி வருகிறது.