யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
‘தவெக தலைவரின் பிரச்சார வாகனத்தில் உள்ள “Hard Disk” எரிப்பு’ எனப் பரவும் போலி செய்தி!
பரவிய செய்தி
விரிவான விளக்கம்
தந்தி டிவி வெளியிட்டது போன்று நியூஸ் கார்டு ஒன்று சமூக ஊடகங்களில் பரவி வருகிறது. அதில், “விஜய் பிரச்சார வாகனத்தின் Hard disk அழிப்பு. கரூர் கூட்ட நெரிசல் சம்பவங்கள் தொடர்பாக தவெக தலைவரின் பிரச்சார வாகனத்தின் சிசிடிவி கேமரா பதிவுகள் அடங்கிய ஹார்ட் டிஸ்க் பனையூர் தவெக அலுவலக வளாகத்தில் எரிக்கப்பட்டதாக தகவல்” என்றும் குறிப்பிடப்பட்டிருந்தது. இந்த நியூஸ் கார்டை பலரும் சமூக ஊடகங்களில் பதிவிட்டு வருகின்றனர்.
#c9c8cd#FFF
; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);">; line-height:0; padding:0 0; text-align:center; text-decoration:none; width:100%;" target="_blank">
உண்மை என்ன?
இந்த நியூஸ் கார்டில் உள்ள எழுத்துகள் (Font) வழக்கமாக தந்தி டிவி வௌியிடும் நியூஸ் கார்டு போல இல்லாமல் இருந்தது. மேலும், விஜய் அலுவலகத்தில் ஆதாரங்கள் அழிக்கப்பட்டதாக எந்த செய்தியும் வெளியாகவில்லை. எனவே, இது போலியானதாக இருக்கலாம் என்ற சந்தேகம் வந்தது. இதை உறுதி செய்துகொள்ள ஆய்வு செய்தோம்.
முதலில் தந்தி டிவி இப்படி ஒரு நியூஸ் கார்டை வெளியிட்டதா என்று அறிய அதன் சமூக ஊடக பக்கங்களைஆய்வு செய்து பார்த்தோம். அதில் நாம் ஆய்வுக்கு எடுத்துக்கொண்டது போன்று எந்த நியூஸ் கார்டும் இல்லை. எனவே, இந்த நியூஸ் கார்டை தந்தி டிவி டிஜிட்டல் பொறுப்பாளருக்கு அனுப்பி ஆய்வு செய்ததில், அவரும் இது போலியானது என்று உறுதி செய்தார். இந்த ஆதாரங்கள் அடிப்படையில் நாம் ஆய்வுக்கு எடுத்துக்கொண்ட பதிவு தவறானது என்பது உறுதியாகிறது.
முடிவு:
“தவெக தலைவரின் பிரச்சார வாகனத்தின் சிசிடிவி கேமரா பதிவுகள் அடங்கிய ஹார்ட் டிஸ்க் பனையூர் தவெக அலுவலக வளாகத்தில் எரிக்கப்பட்டதாக தகவல்” என்று பரவும் நியூஸ்கார்டு போலியானது.
