யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
இது ஓராண்டுக்கு முன்பு 2025ஆம் ஆண்டு எடுக்கப்பட்ட பழைய வீடியோ ஆகும்..
பரவிய செய்தி
விரிவான விளக்கம்
நடிகர் விஜய் தவெக என்ற கட்சியை தொடங்கி வரவிருக்கும் 2026 தமிழ்நாடு சட்டமன்ற தேர்தலில் பேட்டியிடவிருப்பதாக கூறி செயல்பட்டு வருகிறார். மற்றொருபுறம் விஜய்-ன் கடைசி படமான ‘ஜனநாயகன்’ தணிக்கை வாரியத்தின் சான்றிதழ் கிடைக்காமல் ‘பொங்கலுக்கு’ வெளியாகமல் வெளியாகும் தேதி தள்ளி வைக்கப்பட்டுள்ளது.
இந்நிலையில், தற்போது நடிகை கீர்த்தி சுரேஷ் உடன் பொங்கல் கொண்டாடத்தில் விஜய் கலந்துகொண்டதாக வீடியோ ஒன்று சமூக வலைத்தளத்தில் பரப்பப்படுகிறது.
கீர்த்தி சுரேஷ் உடன் பொங்கல் கொண்டாட்டத்தில் விஜய்.. pic.twitter.com/GTcXO4jeUY
கீர்த்தி சுரேஷ் உடன் பொங்கல் கொண்டாட்டத்தில் விஜய்..
pic.twitter.com/Oi7NDyuJjT
உண்மை என்ன?
பரப்பப்படும் வீடியோவின் Keyframe-களைக் கொண்டு தேடுகையில், ‘Behindwoods TV’ யூடியூப் தளத்தில் இந்த வீடியோவைக் காணமுடிந்தது.
இந்த வீடியோ 2025 ஜனவரி 15ஆம் தேதி பதிவேற்றம் செய்யப்பட்டுள்ளதை காணமுடிகிறது. அதாவது இந்த வீடியோ ஓராண்டுக்கு முன்பே வெளியிடப்பட்டுள்ளது.
இந்த ஆண்டு (2026) பொங்கல் தினத்தன்று தவெக தலைவர் விஜய் ஏதேனும் பொது அல்லது தனிப்பட்ட நிகழ்ச்சிகளில் கலந்து கொண்டிருக்கிறாரா? என்ற தேடினோம். அவ்வாறு எந்த செய்தியும் நமக்கு கிடைக்கவில்லை.
மேற்கூறிய விவரங்களிலிருந்து, விஜய் நடிகை கீர்த்தி சுரேஷ்-டன் பொங்கல் கொண்டாடும் வீடியோ ஓராண்டுக்கு முன்னாள் எடுக்கப்பட்டது என்பது தெளிவாகிறது.
முடிவு:
ஓராண்டுக்கு முன்னாள் எடுக்கப்பட்ட பழைய வீடியோவை தற்போது நடந்ததாக தவறாக பரப்புகிறார்கள்.
