யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
விமான பயிற்சி நிறுவனம் பயிற்சி வகுப்புகளுக்காக உருவாக்கிய சித்தரிக்கப்பட்ட (Scripted Video) வீடியோ இது.
பரவிய செய்தி
நாங்கள் PURE VEGETARIAN. எங்கள் எதிரில் சிக்கன் சாப்பிடக்கூடாது. வட இந்திய சனாதனிகள்!
எம்மா தாயே .... தென்னிந்தியா பக்கம் வந்துடாத
விரிவான விளக்கம்
’விமான பயணத்தின் போது ஒரு பெண் அருகில் அமர்ந்திருக்கும் இளைஞர், சிக்கன் சாப்பிடுகிறார். ‘நான் சுத்த சைவம். என் அருகில் அமர்ந்து நீங்கள் அசைவம் சாப்பிடக்கூடாது’ என்று கூறி அந்த பெண் சர்ச்சை செய்கிறார். இதனால் இந்த பெண்ணிற்கும் அந்த இளைஞருக்கும் வாக்குவாதம் கடுமையாக நடக்கிறது. விமான பணிப்பெண்கள் இரண்டு பேர் வந்து இந்த சச்சரவை பேசி தீர்த்து வைக்கிறார்கள்’. இந்த வீடியோவை சமூக வலைத்தளத்தில் பதிவிட்டு இந்த சம்பவம் உண்மையில் நடந்தது என்று பரப்புகிறார்கள்.
உனக்கு Meat பிடிக்கலன்னா சாப்பிடாத ஆனா Flightல “என் முன்னாடி சிக்கன் சாப்பிடாதே”ன்னு சண்டை போடுறது பச்சையா பார்ப்பனீய திமிர் !! 😡😡😡
கறி சாப்பிடுறத பாக்க புடிக்கலனா lavatoryக்குள்ள போய் பூந்துக்க நாயே !!! pic.twitter.com/r1oWAqKNFU
உண்மை என்ன?
பரப்பப்படும் வீடியோவின் Keyframe-களைக் கொண்டு தேடுகையில், ‘FH Aviation Institute’ என்ற விமான நிறுவனத்தின் இன்ஸ்டாகிராம் பக்கத்தில் இந்த வீடியோவைக் காணமுடிந்தது. அந்த நிறுவனத்தின் ‘Youtube’ பக்கத்திலும் இந்த வீடியோவைக் காணமுடிந்தது.
விமானத்தில் பணிபுரிபவர்கள் பணி நேரத்தில் எவ்வாறு பல்வேறு சூழல்களை கையாள வேண்டும் என்று பயிற்சியளிப்பதற்காக சித்தரித்து உருவாக்கப்பட்ட வீடியோ இது. அதாவது இது உண்மை சம்பவம் அல்ல. விமான பணிப்பெண்களுக்கு பயிற்சியளிப்பதற்காக சித்தரிக்கப்பட்ட வீடியோ (Scripted Video) இது.
இதற்கு முன்பும் ‘FH Aviation Institute’ நிறுவன வெளியிட்டுள்ள பயிற்சி வீடியோக்களை உண்மை என்று பரப்பியதை ‘You Turn’ தளத்தில் ஏற்கனவே எழுதியுள்ளோம். இதுபோன்ற பல சித்தரிக்கப்பட்ட வீடியோக்களை (Scripted Videos) இந்த நிறுவனம் அதன் சமூக வலைத்தள பக்கங்களில் வெளியிட்டுள்ளது.
மேற்கூறிய விவரங்களிலிருந்து, பரப்பப்படும் இந்த வீடியோ உண்மை சம்பவத்தின் போது எடுக்கப்பட்டதல்ல, சித்தரிக்கப்பட்ட வீடியோ என்பது தெரிய வருகிறது.
முடிவு:
விமான பயிற்சி நிறுவனம் பயிற்சி வகுப்புகளுக்காக உருவாக்கிய சித்தரிக்கப்பட்ட வீடியோவை (Scripted Video) உண்மை சம்பவம் என்று நம்பி தவறாக பரப்பி வருகிறார்கள்.
