போருக்கு தயாராகும் ஈரான் ராணுவ வீரர்கள் என்று பரவும் சௌதி அரேபியா வீடியோ!

ஈரானின் 800,000+ வீரர்கள் மிகுந்த எச்சரிக்கையுடன் உள்ளனர்.

ஈரானின் மேம்பட்ட ரஷ்ய - சீன தயாரிப்புக்களான ஆயுதங்கள், ஏவுகணைகள், ட்ரோன்கள் மற்றும் போர் விமானங்கள்,

இஸ்*ரே*லின் - டெல் அவிவ், டியாகோ கார்சியா, ஜோர்டான் மற்றும் பிற அமெரிக்க தளங்களை தாக்க வல்லமை கொண்டது.

 அமெரிக்கா மற்றும் இஸ்ரேலுக்கு எதிராக ஈரானிய ஐஆர்ஜிசி தனது இராணுவத்தில் மேலதிகமாக 100,000 துருப்புக்களைச் சேர்த்துள்ளது.

Instagram Link / Archived Link

அமெரிக்கா ஈரான் இடையே போர் நிலவி வரும் சூழலில், அமெரிக்கா உள்ளிட்ட நாடுகளை எதிர்கொள்ள களத்தில் தயாராக உள்ள 8 லட்சம் ஈரானிய ராணுவ வீரர்கள் என்று கூறி வீடியோ ஒன்று வைரலாகி வருகிறது. அந்த வீடியோவில் பல ராணுவ வீரர்கள் பயிற்சியில் ஈடுப்பட்ட காட்சிகள் இடம்பெற்றிருந்தது. 

உண்மை என்ன? 

பரவி வரும் வீடியோவை கூகுள் ரிவர்ஸ் இமேஜ் மூலம் தேடிப் பார்த்தோம். அப்போது ஐக்கிய அரபு ஊடகமான AlHadath என்ற ஊடகத்தில், ஜூன் 01, 2025 அன்று பரவி வரும் வீடியோவுடன் செய்தி வெளியாகியிருந்தது. அதில் சௌதி அரேபியா நாட்டைச் சேர்ந்த பாதுகாப்புப் படையினர், அங்கு புனித பயணம் மேற்கொள்பவர்களைக் கட்டுப்படுத்த அணிவகுப்பு பயிற்சி நடத்தியது என்று குறிப்பிடப்பட்டிருந்தது. 

இது குறித்து மேலும் தேடிய போது, Ederlyn LM என்ற பேஸ்புக் பக்கத்தில் ஜூன் 18, 2025 அன்று பரவி வரும் சவுதியில் எடுக்கப்பட்டது என்று குறிப்பிட்டு பதிவிட்டுருந்ததை பார்க்கமுடிந்தது. 

அதே போல் Gulf 24 என்ற ஊடகத்திலும், 18 ஜனவரி 2026 அன்று இதே வீடியோ வெளியாகியிருந்தது. அதிலும் சவுதி அரேபியாவில் ஒரு பிரமாண்டமான இராணுவ அணிவகுப்பு என்று குறிப்பிட்டுருந்தது. 

முடிவு: 

எனவே, பரவி வரும் வீடியோ ஈரானில் எடுக்கப்பட்டதல்ல. சௌதி அரேபியா நாட்டைச் சேர்ந்த பாதுகாப்புப் படையினர், அங்கு புனித பயணம் மேற்கொள்பவர்களைக் கட்டுப்படுத்த அணிவகுப்பு பயிற்சி மேற்கொண்டபோது எடுக்கப்பட்டது.