யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
இராயபுரம் தொகுதியில் தேர்தல் ஆணையத்தால் வைக்கப்பட்டிருந்த மின்னணு வாக்குப்பதிவு எந்திரத்தில் முதலிடத்தில் தவெகவின் விசில் சின்னம் இடம்பெற்றுள்ளதாகப் பரப்பப்படும் புகைப்படம் உண்மையானதல்ல. AI தொழில்நுட்பத்தால் உருவாக்கப்பட்டது.
பரவிய செய்தி
இராயபுரம் தொகுதியில் தேர்தல் ஆணையத்தால் வைக்கப்பட்டிருந்த "மாதிரி" மின்னணு வாக்குப்பதிவு எந்திரத்தில் "விசில்" சின்னத்திற்கு வாக்களிக்க ஒத்திகை பார்த்தபோது..
விரிவான விளக்கம்
2026 ஏப்ரல் அல்லது மே மாதம் தமிழ்நாடு சட்டப்பேரவைத் தேர்தல் நடைபெறவுள்ள நிலையில், அதுகுறித்த அதிகாராப்பூர்வ அறிவிப்பு விரைவில் வரவுள்ளது.
இந்நிலையில் இராயபுரம் தொகுதியில் தேர்தல் ஆணையத்தால் வைக்கப்பட்டிருந்த மாதிரி மின்னணு வாக்குப்பதிவு எந்திரத்தில் முதலிடத்தில் தவெகவின் விசில் சின்னம் இடம்பெற்றுள்ளதாகக் குறிப்பிட்டு புகைப்படம் மற்றும் வீடியோக்கள் சமூக ஊடகங்களில் தற்போது வைரலாகப் பரவி வருகின்றன.
பரவி வரும் அப்பதிவுகளில், “மாதிரி மின்னணு வாக்குப்பதிவு எந்திரத்தில் உள்ள "விசில்" சின்னத்திற்கு வாக்களிக்க ஒத்திகை பார்த்தபோது” என்றும் குறிப்பிடப்பட்டுள்ளது.
#c9c8cd#FFF
; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);">; line-height:0; padding:0 0; text-align:center; text-decoration:none; width:100%;" target="_blank">
#TVK #TVKVijay #விசில் #TVKForTN pic.twitter.com/qt7YyiH1bN
உண்மை என்ன?
பரவி வரும் புகைப்படத்தில் உள்ளவாறு தேர்தல் ஆணையம், மாதிரி மின்னணு வாக்குப்பதிவு எந்திரத்தில் முதலிடத்தில் தவெகவின் விசில் சின்னத்தை குறிப்பிட்டு வெளியிட்டுள்ளதா என்பது குறித்து ஆய்வு செய்ததில், அவ்வாறு எந்த அறிவிப்பையும் வெளியிடவில்லை என்பதை அறிய முடிந்தது.
மேலும் பரவி வரும் புகைப்படத்தில், கட்சியின் பெயர்கள், “விஜய் - தமிழக வெற்றிக் கழகம், உதய சூரியன், சீறும் புலி“ என்று குறிப்பிடப்பட்டிருந்ததால் AI தொழில்நுட்பத்தால் உருவாக்கப்பட்டிருக்கலாம் என்ற சந்தேகம் எழுந்தது. எனவே அது குறித்து ஆய்வு செய்து பார்த்தோம்.
“Hive Moderation” இணையதளப் பக்கத்தில் பரவி வரும் புகைப்படங்களை பதிவேற்றி ஆய்வு செய்து பார்த்ததில், அவை AI தொழில்நுட்பத்தால் உருவாக்கப்பட்டவை தான் என்பதை நமக்கு உறுதிபடுத்தியது.
முடிவு:
நம் தேடலில், இராயபுரம் தொகுதியில் தேர்தல் ஆணையத்தால் வைக்கப்பட்டிருந்த மின்னணு வாக்குப்பதிவு எந்திரத்தில் முதலிடத்தில் தவெகவின் விசில் சின்னம் இடம்பெற்றுள்ளதாகப் பரப்பப்படும் புகைப்படம் உண்மையானதல்ல. AI தொழில்நுட்பத்தால் உருவாக்கப்பட்டது என்பது உறுதியாகிறது.
