திமுக ஆட்சியில் 200 யூனிட்டுகளுக்கு 480 ரூ மின்கட்டணம் வசூலிக்கப்படுவதாகப் பரவும் வதந்தி!

கடந்த 2021-ஆம் ஆண்டில் தமிழ்நாட்டில் 200 யூனிட்டுக்கு 170 ரூபாய் மின்கட்டணம் வசூலிக்கப்பட்டது. ஆனால் தற்போது “திமுக ஆட்சியில் 200 யூனிட்டுக்கு 480 ரூபாய் மின்கட்டணம் வசூலிக்கப்படுகிறது. மின்கட்டணம் மூன்று மடங்கு அதிகரித்துள்ளது. 

X Link | Archive Link 

திமுக ஆட்சியில் 200 யூனிட்டுகளுக்கான மின்கட்டணம் மூன்று மடங்கு அதிகரித்துள்ளது என்று குறிப்பிட்டு வீடியோ ஒன்று சமூக ஊடகங்களில் வைரலாகப் பரவி வருகிறது. வீடியோவில் கடந்த 2021-ஆம் ஆண்டில் தமிழ்நாட்டில் 200 யூனிட்டுக்கு 170 ரூபாய் மின்கட்டணம் வசூலிக்கப்பட்டது. ஆனால் தற்போது திமுக ஆட்சியில் 200 யூனிட்டுக்கு 480 ரூபாய் மின்கட்டணம் வசூலிக்கப்படுகிறது என்றும் கூறப்படுகிறது. 

உன்னை பல முறை அடிச்சிட்டேன் அப்போவும் இதே பொய்யை தூக்கிட்டு வர இந்த இன்னிக்கும் வாங்கிக்க

நீயெல்லாம் உத்தமன் வேஷம் போட்டு இங்க சுத்திட்டு இருக்க இப்படி வெக்கம் இல்லாம பொய்யை பரப்பிட்டு https://t.co/v70b18bCRY pic.twitter.com/Ud9AxMA2gT

— Balamurugan Jay (@Balagutz) March 16, 2026

உண்மை என்ன? 

பரவி வரும் செய்திகளின் உண்மைத் தன்மையை அறிய, கடந்த 2021-ஆம் ஆண்டில் தமிழ்நாட்டில் 200 யூனிட்டுகளுக்கு எவ்வளவு மின்கட்டணம் வசூலிக்கப்பட்டது என்பது குறித்து முதலில் ஆய்வு செய்தோம். 

புதியதலைமுறை ஊடகப் பக்கத்தில் கடந்த 2021 மே 22 அன்று வெளியிடப்பட்டிருந்த செய்தியில், “100 யூனிட்க்கு 0 கட்டணம், 110 யூனிட்டுக்கு 35 ரூபாய் கட்டணம், 200 யூனிட்டுக்கு 170 ரூபாய் கட்டணம், 210 யூனிட்டுக்கு 260 ரூபாய் கட்டணம், 290 யூனிட்டுக்கு 500 ருபாய் கட்டணம், 390 யூனிட்டுக்கு 800 ரூபாய் கட்டணம், 500 யூனிட்டுக்கு 1130 ரூபாய் கட்டணமாக வசூலிக்கப்படுகிறது“ என்றும் குறிப்பிட்டிருந்தனர். இதன் மூலம் கடந்த 2021-ஆம் ஆண்டில் தமிழ்நாட்டில் 200 யூனிட்டுக்கு 170 ரூபாய் மின்கட்டணம் வசூலிக்கப்பட்டதாகக் கூறும் தகவல் உண்மையே என்பதை அறிய முடிந்தது. 

அதைத் தொடர்ந்து, தமிழ்நாட்டில் தற்போது வசூலிக்கப்படும் மின்கட்டணம் குறித்து,  தமிழ்நாடு மின்சார ஒழுங்குமுறை ஆணையம் வெளியிட்டிருந்த கட்டண விவரம் குறித்து ஆய்வு செய்தோம். அதன்படி, 0 -  200 யூனிட்களுக்கு, 235 ரூபாய் (ஒரு யூனிட்டுக்கு ரூ.2.35) வசூலிக்கப்படுகிறது என்பதை தமிழ்நாடு அரசின் TNPDCL இணையதளத்தில் உள்ள “Bill Calculator” உதவியுடன் உறுதிபடுத்தினோம். 

முதல் 100 யூனிட்களுக்கு மின்கட்டணம் இலவசம். அதன்படி 200 யூனிட்டுக்கு (101-200 யூனிட்), தற்போது 235 ரூபாய் (ஒரு யூனிட்டுக்கு ரூ.2.35) மின்கட்டணம் வசூலிக்கப்படுகிறது. இந்நிலையில் முதல் 100 யூனிட்களுக்கு மின்கட்டணம் இலவசமாக உள்ள நிலையில், அதற்கும் சேர்த்து கணக்கீடு செய்து,  திமுக ஆட்சியில் 200 யூனிட்டுக்கு 480 ரூபாய் மின்கட்டணம் வசூலிக்கப்படுகிறது என்று கூறி தவறான தகவலைப் பரப்பி வருகின்றனர். 

முடிவு: 

நம் தேடலில்,  திமுக ஆட்சியில் 200 யூனிட்டுகளுக்கு 480 ரூபாய் மின்கட்டணம் வசூலிக்கப்படுகிறது. எனவே மின்கட்டணம் மூன்று மடங்கு உயர்ந்துள்ளது என்று கூறி பரவும் செய்திகள் தவறானவை என்பது உறுதியாகிறது.