யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
’ஆட்சியில் பங்கு (power-sharing) என்பது வாய்ப்பில்லை’ என்று வைகோ கூறியதை ‘தொகுதி பங்கீடு (seat sharing) இல்லை’ தவறாக மொழி பெயர்த்து செய்தி வெளியிட்டுள்ளது ‘PTI’ செய்தி முகமை.
பரவிய செய்தி
"DMK will form government, there will no seat-sharing”, says MDMK leader Vaiko amid Congress leaders demanding power-sharing in alliance. - PTI News Agency.
விரிவான விளக்கம்
தமிழ்நாடு சட்டமன்றத் தேர்தல் வருவதையொட்டி கட்சிகள், கூட்டணி அமைப்பது தொகுதி பங்கீடு செய்வதை ஆகியவை குறித்து பேசி வருகின்றன. திமுக கூட்டணியில் உள்ள காங்கிரஸ் கட்சி ஆட்சி அதிகாரத்தில் பங்கு என்ற கோரிக்கையை தற்போது முன்வைத்து வருகிறது. காங்கிரஸ் தமிழ்நாட்டில் கூட்டணி ஆட்சி அமைக்க வேண்டும், ஆட்சி அதிகாரத்தில் பங்கு வேண்டும் என்று கூறி வருவது குறித்து பல்வேறு கட்சியினர் கருத்து தெரிவித்து வருகின்றனர். திமுக தலைவர் முதல்வர் ஸ்டாலின் கூட்டம் ஒன்றில் பேசும் போது, ‘கூட்டணி ஆட்சி தமிழ்நாட்டிற்கு ஒத்து வராது’ என்று கூறியிருந்தார்.
இந்நிலையில் தஞ்சாவூரில் செய்தியாளர்களிடம் பேசும் போது, காங்கிரஸ் ஆட்சி அதிகாரத்தில் பங்கு கேட்பது குறித்த கேள்விக்கு மதிமுக பொதுச் செயலாளர் வைகோ “DMK will form government, there will no seat-sharing” என்று கூறியதாக PTI செய்தி முகமை செய்தி வெளியிட்டுள்ளது.
VIDEO | Thanjavur: “DMK will form government, there will no seat-sharing”, says MDMK leader Vaiko amid Congress leaders demanding power-sharing in alliance.
(Full video available on PTI Videos - https://t.co/n147TvqRQz) pic.twitter.com/lZ83v2mZ6H
உண்மை என்ன?
PTI செய்தி முகமை வெளியிட்டுள்ள அந்த செய்தி வீடியோவில், ”எதிர்வரும் சட்டமன்றத் தேர்தலில் திராவிட முன்னேற்றக் கழகம் தலைமையிலான கூட்டணி மகத்தான வெற்றி பெறும். திமுக தனிப்பெரும்பான்மை பெற்று வெற்றிபெரும். அதனால், கூட்டணி ஆட்சி என்ற பேச்சுக்கே அங்கே இடம் கிடையாது” என்று மதிமுக பொதுச்செயலாளர் வைகோ கூறுகிறார்.
அதாவது, ’ஆட்சியில் பங்கு அல்லது கூட்டணி ஆட்சிக்கு (power-sharing in alliance)’ வாய்ப்பில்லை என்கிறார். இதனை PTI செய்தி முகமை தவறாக மொழி பெயர்த்து ”DMK will form government, there will no seat-sharing” என்று வெளியிட்டுள்ளது.
அதாவது வைகோ ‘ஆட்சியில் பங்கு சாத்தியமில்லை’ என்று கூறியதை ‘தொகுதி பங்கீடு இல்லை’ என்று தவறாக வெளியிட்டுள்ளது PTI செய்தி முகமை.
முடிவு:
’ஆட்சியில் பங்கு அல்லது கூட்டணி ஆட்சிக்கு (power-sharing) வாய்ப்பில்லை’ என்று வைகோ கூறியதை ‘தொகுதி பங்கீடு (seat sharing) இல்லை’ தவறாக மொழி பெயர்த்து செய்தி வெளியிட்டுள்ளது ‘PTI’ செய்தி முகமை.
