யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
2023ஆம் ஆண்டு ‘மாவீரன்’ திரைப்படம் பார்க்க வந்த சங்கீதாவின் பழைய வீடியோவையும், 2018ஆம் ஆண்டு அவரது உறவினர் தீக்குளித்தது பற்றிய செய்தியாளர் சந்திப்பில் வைகோ அழுத பழைய வீடியோவையும் தற்போது வெளிவான ‘ஜனநாயகன்’ திரைப்படத்துடன் தொடர்புபடுத்தி தவறாக பரப்புகிறார்கள்.
பரவிய செய்தி
Claim 1: அண்ணனின் #jananayagan படம் பார்க்க வந்தார் அண்ணி சங்கீதா.
Claim 2:
ஜனநாயகன் படம் பார்த்துட்டு வைகோ கண்ணீர் விட்டு அழுத காட்சி!
விரிவான விளக்கம்
நடிகர் விஜய்-ன் கடைசி திரைப்படமான ‘ஜனநாயகன்’ கடந்த ஜனவரி மாதம் தைப் பொங்கல் நேரத்திலே வெளிவர இருந்தது. ஆனால் தணிக்கை வாரியம் சான்றிதழ் வழங்க மறுத்த பிரச்சினை காரணமாக தள்ளி வைக்கப்பட்டு, தற்போது ஜூலை 23ஆம் தேதி திரையரங்குகளில் வெளியாகியுள்ளது.
இந்நிலையில், முதல்வர் விஜய்-க்கும் அவரது மனைவி சங்கீதா அவர்களுக்கும் விவாகரத்து பிரச்சினை நடந்து கொண்டிருக்கும் தற்போதைய நிலையில், சங்கீதா ‘ஜனநாயகன்’ திரைப்படம் பார்க்க திரையரங்கத்திற்கு வந்ததாகவும்; மதிமுக தலைவர் வைகோ ‘ஜனநாயகன்’ திரைப்படத்தை பார்த்துவிட்டு பத்திரிகையாளர்கள் முன்னிலையில் அழுததாகவும் சமூக வலைத்தளங்களில் வீடியோக்கள் பரப்பப்படுகின்றது.
அண்ணனின் #jananayagan படம் பார்க்க வந்தா
அண்ணி சங்கீதா அவர்கள் pic.twitter.com/GFVv7xah6t
Sangeetha anni watching #JanaNayagan movie 😭😭😭 pic.twitter.com/ybHPz6tKIf
உண்மை என்ன?
Claim 1: நடிகர் விஜய் மனைவி சங்கீதா திரையரங்க வாயிலில் காரில் வந்து இறங்கும் அந்த வீடியோவின் Keyframe-களைக் கொண்டு இணையத்தில் தேடிய போது, ’News தமிழ்’ செய்தித் தொலைக்காட்சியின் யூட்யூப் பக்கத்தில் இந்த வீடியோவைக் காணமுடிந்தது.
2023 ஜூலை 14ஆம் தேதி வெளியிடப்பட்டிருந்த அந்த செய்தியில், ’நடிகர் விஜய் மனைவி சங்கீதா சென்னையில் உள்ள வெற்றி திரையரங்கத்தில் நடிகர் சிவகார்த்திகேயன் நடித்த ‘மாவீரன்’ திரைப்படம் காண வந்ததாக’ குறிப்பிடப்பட்டுள்ளது.
இதிலிருந்து நடிகர் விஜய்-ன் மனைவி சங்கீதா திரையரங்கத்திற்கு படம் பார்க்க வந்த இந்த வீடியோ மூன்றாண்டுகளுக்கு முன்னர் 2023-ல் எடுக்கப்பட்டது என்பது தெளிவாகத் தெரிகிறது.
Claim 2: ஊடகங்கள் முன்பு மதிமுக தலைவர் வைகோ அழுத வீடியோவின் Keyframe-களைக் கொண்டு இணையத்தில் தேடியபோது, ’தினமலர்’ செய்தித்தளத்தின் யூட்யூப் பக்கத்தில் இந்த வீடியோவைக் காணமுடிந்தது.
2018 ஏப்ரல் மாதம் வெளியிடப்பட்டுள்ள அந்த வீடியோவில், ’தமிழ்நாட்டில் ஸ்டெர்லைட், நியூட்ரினோ போன்ற திட்டங்களுக்கு மக்கள் எதிர்ப்பு தெரிவித்து வந்த நிலையில், வைகோவும் அவரது குடும்பத்தினரும் பணம் வாங்கிக்கொண்டு இந்த திட்டத்திற்கான எதிர்ப்பை மழுங்கடித்ததாக நாம் தமிழர் கட்சியினரும் சீமானும் கூறி வந்ததாகவும், அதனால் வைகோவின் உறவினர் சரவண சுரேஷ் என்பவர் தீக்குளித்ததாகவும் சொல்லி பத்திரியாளர்கள் முன்னிலையில் வைகோ அழுதார்’ என்பதை தெளிவாகக் காணமுடிகிறது.
இதிலிருந்து பத்திரியாளர்கள் முன்னிலையில் வைகோ அழும் இந்த வீடியோ 8 ஆண்டுகளுக்கு முன்னால் 2018-ல் எடுக்கப்பட்டது என்பது தெளிவாககிறது.
முடிவு:
2023ஆம் ஆண்டு ‘மாவீரன்’ திரைப்படம் பார்க்க வந்த சங்கீதாவின் பழைய வீடியோவையும், 2018ஆம் ஆண்டு அவரது உறவினர் தீக்குளித்தது பற்றிய செய்தியாளர் சந்திப்பில் வைகோ அழுத பழைய வீடியோவையும் தற்போது வெளிவான ‘ஜனநாயகன்’ திரைப்படத்துடன் தொடர்புபடுத்தி தவறாக பரப்புகிறார்கள்.
