யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
CJP-யின் அதிகாரப்பூர்வ இன்ஸ்டாகிராம் பக்கத்தை பின்தொடர்பவர்களில் 94.7% பேர் இந்தியாவைச் சேர்ந்தவர்கள். அதனைத் தொடர்ந்து அமெரிக்கா 1%, ஐக்கிய இராச்சியம் (UK) 0.7%, மற்றும் கனடா, ஐக்கிய அரபு அமீரகம் (UAE) தலா 0.6% என்ற அளவில் உள்ளன.
பரவிய செய்தி
விரிவான விளக்கம்
கரப்பான்பூச்சி ஜனதா கட்சியின் இன்ஸ்டாகிராம் பக்கத்தை பின்தொடர்பவர்களில், 49% பேர் பாகிஸ்தானிலிருந்தும், 14% பேர் அமெரிக்காவிலிருந்தும், 14% பேர் பங்களாதேஷிலிருந்தும், வெறும் 9% மட்டுமே இந்தியாவிலிருந்து இருப்பதாகக் கூறி வரைபடம் ஒன்று சமூக ஊடகங்களில் வைரலாகப் பரவி வருகிறது.
உண்மை என்ன?
பரவி வரும் இந்த தகவல் உண்மையா என்பதை தேடிப் பார்த்தோம். அப்போது காக்ரோச் ஜனதா கட்சியின் நிறுவனர் அபிஜீத் தீப்கே, தனது எக்ஸ் பக்கத்தில், “அந்தக் கணக்கை ஹேக் செய்ய நீங்கள் தீவிரமாக முயன்றும் அதில் தோல்வியடைந்துவிட்டீர்கள் என்பது எனக்குத் தெரியும். எனவே, உண்மையான தரவுகளை நான் பகிர்ந்துகொள்கிறேன்” என்று குறிப்பிட்டு பதிவு ஒன்று வெளியிட்டுருந்தார். அதில் CJP-யின் அதிகாரப்பூர்வ இன்ஸ்டாகிராம் பக்கத்தை பின்தொடர்பவர்களில் 94.7% பேர் இந்தியாவைச் சேர்ந்தவர்கள். அதனைத் தொடர்ந்து அமெரிக்கா 1%, ஐக்கிய இராச்சியம் (UK) 0.7%, மற்றும் கனடா, ஐக்கிய அரபு அமீரகம் (UAE) தலா 0.6% என்ற அளவில் உள்ளன என்பதை பார்க்கமுடிந்தது.
I know you are desperately trying to hack the account but since you have failed to do so. Let me share the real data.
Why would you call 94% of Indian youth as Pakistanis? https://t.co/547NtEP934 pic.twitter.com/9DRTx6l96e
இதையடுத்து Times of India ஊடகத்தில் அபிஜீத் தீப்கே, சிஜேபி-யின் அதிகாரப்பூர்வ இன்ஸ்டாகிராம் பக்கத்தின் திரைப்பதிவை அனுப்பி இருந்ததை பார்க்கமுடிந்தது. அதில் சிஜேபி-யின் அதிகாரப்பூர்வ இன்ஸ்டாகிராம் பக்கத்தைப் பின்தொடர்பவர்களில் 94.7 சதவீதம் பேர் இந்தியர்கள். இதைத் தொடர்ந்து, அமெரிக்காவிலிருந்து வெறும் 1 சதவீதமும், இங்கிலாந்திலிருந்து 0.7 சதவீதமும், கனடா மற்றும் ஐக்கிய அரபு அமீரகத்திலிருந்து 0.6 சதவீதமும் இருந்ததை பார்க்கமுடிந்தது.
முடிவு:
கிடைத்திருக்கும் ஆதாரங்களின் படி, CJP-யின் அதிகாரப்பூர்வ இன்ஸ்டாகிராம் பக்கத்தை பின்தொடர்பவர்களில் 94.7% பேர் இந்தியாவைச் சேர்ந்தவர்கள் என்பதை தெரியவந்தது. இதை அக்கட்சியின் இன்ஸ்டாகிராம் பக்கத்தை பின்தொடர்பவர்களில், 49% பேர் பாகிஸ்தானிலிருந்து என்று பாஜகவினர் தவறாகப் பரப்பி வருகின்றனர்.
