துணை முதல்வர் உதயநிதி ஸ்டாலின் குறித்து தவறாகப் பரவும் பழையப் பதிவு!

சிரிச்சு மாளல

எதுக்கு சார் நடிகை ஐஸ்வர்யா ராஜேஷ் ய டாக் பண்ணேங்க

X Link | Archived Link

தற்போது தமிழ்நாட்டில் வடகிழக்கு பருவமழை தொடங்கியுள்ளது. இதனால் கனமழை முதல் மிக கனமழை பெய்யக்கூடும் என்று வானிலை ஆய்வு மையம் தெரிவித்துள்ளது. 

இந்நிலையில் ‘TheVictim’  என்ற hastag-ஐ பயன்படுத்தி, “ஒவ்வொரு முறையும், கடும் மழைக்கு சென்னை இரையாகிறது. இதற்கு தீர்வே கிடையாதா?“, என்று துணை முதலமைச்சர் உதயநிதி ஸ்டாலின் தனது எக்ஸ் பக்கத்தில் பதிவிட்டது போன்றொரு செய்தி இணையத்தில் வைரலாகி வருகிறது. அதில் நடிகை ஐஸ்வர்யா ராஜேஷை டேக் செய்திருப்பதும் இடம்பெற்றிருந்தது. 

உண்மை என்ன?  

பரவி வரும் இந்த பதிவில் 29/10/2020 என்று குறிப்பிடப்பட்டிருந்தது. அதன்படி உதயநிதி ஸ்டாலினின் எக்ஸ் பக்கத்தில் தேடிப் பார்த்த போது, அதே தேதியில் இதே பதிவு இருந்ததை பார்க்கமுடிந்தது. அதிலும் நடிகை ஐஸ்வர்யா ராஜேஷ் பெயர் டேக் செய்யப்பட்டிருந்தது. 

#TheVictim

ஒவ்வொரு முறையும், கடும் மழைக்கு சென்னை இரையாகிறது. இதற்கு தீர்வே கிடையாதா?@aishu_dil

— Udhay - தமிழ்நாட்டை தலைகுனிய விடமாட்டேன் (@Udhaystalin) October 29, 2020

இதையடுத்து ஐஸ்வர்யா ராஜேஷின் எக்ஸ் பக்கத்திற்கு சென்று பார்த்த போது, The Victim  என்ற hastag-ஐ பயன்படுத்தி, ”நான் சாலை சீற்றத்தால் பாதிக்கப்பட்டிருக்கிறேன். குற்றவாளிகளால் மூலையில் தள்ளப்படும் அளவிற்கு சென்றேன். எப்படியோ அந்த சூழ்நிலையிலிருந்து தப்பித்தேன். அதைப் பற்றி நினைக்கும் போது இன்னும் நடுக்கம் ஏற்படுகிறது” என்று இயக்குநரும், நடிகருமான RJ பாலாஜியை டேக் செய்து பதிவிட்டிருந்தார். 

#TheVictim

I have been a victim of road rage. It went to an extent where, I was literally cornered by the offenders. I somehow managed to escape that situation. Still gives me jitters when I think about it. @RJ_Balaji

— aishwarya rajesh (@aishu_dil) October 29, 2020

இது குறித்து தேடிப் பார்க்கும் போது, 2022ல் இயக்குநர்கள் சிம்புதேவன், எம்.ராஜேஷ், பா.ரஞ்சித், வெங்கட் பிரபு ஆகியோர் இணைந்து இயக்கிய VICTIM என்ற வெப் தொடருக்கான promotion-காக தங்களது எக்ஸ் பக்கங்களில் "The victim" tag ஐப் பயன்படுத்தி பதிவு செய்திருந்தது தெரியவந்தது. 

Happy to join hands with @AxessFilm in presenting u an incredible anthology #Thevictim from the minds of @chimbu_deven @rajeshmdirector @beemji & @vp_offl Thank q @Udhaystalin @aishu_dil @RJ_Balaji @arya_offl @anirudhofficial @thisisysr @menongautham & @Siva_Kartikeyan 🙏🏽🙏🏽 pic.twitter.com/5kM8keZtlR

— Black Ticket Company (@blacktktcompany) November 1, 2020

இவர்களை போல் RJ பாலாஜி, சிவகார்த்திகேயன், அனிருத், யுவன் சங்கர் ராஜா, ஆர்யா போன்ற பிரபலங்களும் தங்களது எக்ஸ் பக்கங்களில், "The victim" tag ஐப் பயன்படுத்தி பதிவு செய்திருந்ததை பார்க்கமுடிந்தது. 

முடிவு: 

எனவே, பரவி வரும் பதிவு 2020ல் "Victim" series promotion-காக பதிவிடப்பட்டது உறுதியானது.  உதயநிதி ஸ்டாலினை போலவே, நடிகை ஐஸ்வர்யா ராஜேஷ், நடிகர்கர்கள் RJ பாலாஜி, ஆர்யா, சிவகார்த்திகேயன் போன்றவர்களும் தங்களது எக்ஸ் பக்கங்களில் "The victim" tag ஐப் பயன்படுத்தி பதிவு செய்துள்ளனர்.