குடிப்பழக்கத்தை ஆதரித்து சன்டிவியில் விளம்பரம்? உண்மை என்ன?

குடி பழக்கத்தை ஆதரித்து சன்டிவியின் விளம்பரத்தை பாருங்கள்

X Link | Archive Link

சன்டிவியில் குடிப்பழக்கத்தை ஆதரித்து விளம்பரம் ஒளிபரப்பப்படுவதாகக் கூறி 50 வினாடிகள் கொண்ட வீடியோ ஒன்று சமூக ஊடகங்களில் பாஜகவினரால் வைரலாகப் பரப்பப்பட்டு வருகிறது. 

அந்த வீடியோவில், தனது கணவன் குடிப்பதை பெண் ஒருவர் ஆதரித்து பேசுவது போல காட்சியமைக்கப்பட்டிருந்ததையும் காண முடிகிறது.

சன் டிவி வீட்டுக்கும் நாட்டுக்கும் கேடு!

திமுக/திராவிடம் மனித குலதுக்கே கேடு!!

குடி பழக்கத்தை ஆதரித்து சன்டீவியின் விளம்பரத்தை பாருங்கள்!!!

தமிழகத்தின் சாபக்கேடு!! pic.twitter.com/CuXsPPJhtT

— Arulkumar Karuppannan (@ArulkumarBjp) March 17, 2025

_குடிப்பழக்கத்தை ஆதரித்து சன் டீவியின் விளம்பரத்தைப் பாருங்கள்..!_தமிழகம் உருப்பட வழி?..

அதுசரி..மதுக்கடைகளை அரசே நடத்திக் கிட்டு.. மக்களே குடிக்காதீங்கனு.. முதலமைச்சரே அறிவுரை சொல்ற கோமாளித்தனம் நடக்கற ஊரு தானே இது?.. pic.twitter.com/UnZqhqe5Nt

— Maha Simha.‌ (@maha_simha) March 19, 2025

உண்மை என்ன? 

பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், ‘sathya_dharshan’ என்பவரது இன்ஸ்டாகிரம் பக்கத்திற்கு நம்மை அழைத்து சென்றது. 

அதில், பரவி வரும் வீடியோ கடந்த மார்ச் 16 அன்று “பல குடும்பங்கள் பிரிய காரணம்” என்று குறிப்பிட்டு பதிவிடப்பட்டிருந்ததை காண முடிகிறது. இதன் மூலமா சத்யா-தர்ஷன் மற்றும் சத்யா சபரீஷ் என்கிற பெயரில் இன்ஸ்தாகிராமில் செயல்படும் சத்யா, சபரீஷ் என்கிற கணவன் – மனைவி இருவரும் தங்களுடைய இன்ஸ்டாகிராம் பக்கத்தில் பதிவு செய்த வீடியோ இது என்பது உறுதியாகிறது. 

#FFF

மேலும் இன்ஸ்டாகிராம் பக்கத்தில் பதிவு செய்யப்பட இந்த  வீடியோ காட்சியில், பின்னால், டிவியில் சன் டிவி தொடர் காட்சி ஒன்று இடம்பெற்றுள்ளதையும் காண முடிகிறது. 

இந்நிலையில் தான் பலரும் பரவி வரும் வீடியோவை, குடிப்பழக்கத்தை ஆதரித்து சன்டிவியில் விளம்பரம் ஒளிபரப்பப்படுவதாக் கூறி தவறாகப் பரப்புகின்றனர். ஆனால் இது ‘sathya_dharshan_’ என்பவரது இன்ஸ்டாகிரம் பக்கத்தில் பதிவிடப்பட்ட வீடியோ என்பது குறிப்பிடத்தக்கது. 

முடிவு: 

நம் தேடலில், சன்டிவியில் குடிப்பழக்கத்தை ஆதரித்து விளம்பரம் ஒளிபரப்பப்படுவதாகக் கூறி பரவும் செய்திகள் தவறானவை என்பது தெளிவாகிறது.