ஹிந்தி திணிப்பு குறித்து அமைச்சர் பேசிய காணொளி எடிட் செய்யப்பட்டு தவறாக பரப்புகின்றனர்.

"சைவ, வைணவ கோவில்களில் ஜோலிகே பீச்சே க்யா ஹனா பாட முடியும்??" இந்த முறை எ.வ.வேலு (வஜ்ஜிரவேலுவின்) ஆபாச பேச்சு. பீமுக கட்சியே கழிசடை சாக்கடையின் கூடாரம் தான்

X Link | Archived Link

சிவன், வைணவ கோவில்களில் “சோலி கே பீச்சே” என்ற பாடலை பாட வேண்டும் என்று அமைச்சர் ஏ.வ.வேலு கூறியதாக 10விநாடிகள் கொண்ட காணொளி ஒன்று பரவி வருகிறது. பொன்முடிக்கு அடுத்து ஏ.வ.வேலு ஆபாசமாகப் பேசுவதாகக் கூறி பரப்பி வருகின்றனர். 

சிவன்,வைணவ கோவில்களில் சாமி பாடல்களுக்கு பத்தில் சோளிக்கே பீச்சே க்யா ஹை என்று பாட வேண்டும் 👇👇

பொன்முடிக்கு அடுத்தது
ஆபாச திமுக
ஏ.வ வேலு நாயுடு🤮🤮 pic.twitter.com/KWIV4jK8pp

— ANITHA AGAMUDAYAR😇 (@AnithaDevar21) April 12, 2025

உண்மை என்ன ? 

பரவி வரும் காணொளியின் உண்மைத் தன்மையை அறிய, கூகுள் ரிவர்ஸ் இமேஜ் மூலம் தேடிப் பார்த்தோம். அப்போது ஏப்ரல் 10ஆம் தேதி புதிய தலைமுறை செய்தி தனது யூடியூப் பக்கத்தில், "நிதிநிலை அறிக்கை விளக்கப் பொதுக்கூட்டம்.. அமைச்சர் ஏ.வ.வேலு பங்கேற்பு | Kanchipuram" என்ற தலைப்பில் அமைச்சர் பேசியதை நேரலையாக வெளியிட்டிருந்தனர். 

அதில் அமைச்சர் பேசியது குறித்துத் தேடிப் பார்த்தோம். அப்போது சரியாக 28:25 பகுதியில் ஒன்றிய அரசின் தேசிய கல்விக்கொள்கை குறித்துப் பேசுகிறார். மேலும், இருமொழிக் கொள்கையினால் தான் தமிழர்கள் பல்வேறு நாடுகளில் பணியாற்றி வருகின்றனர் என்று கூறிவிட்டு மும்மொழிக் கொள்கையால் ஏற்படக்கூடிய ஹிந்தி திணிப்பு குறித்துப் பேசுகிறார். 

தொடர்ந்து 34: 33வது நிமிடத்தில் ஹிந்தி திணிப்பு குறித்து விளக்கம் அளிக்கும் அமைச்சர்,  “கோயிலுக்குச் செல்கிறோம். அங்கு ஆழ்வாராக இருந்தால் 4000 திவ்ய பிரபந்தத்தைத் தமிழில் தான் பாடுகிறார்கள். சைவக் கோயில் எங்கிருந்தாலும் அங்குத் தேவாரமும் திருவாசகமும் தமிழில் தான் பாடப்படும்” என்கிறார். தொடர்ந்து, “சிவன் கோவிலிலும் வைஷ்ணவ கோவிலிலும் “சோலி கே பீச்சே” என்ற பாட முடியுமா. பிறகு எதற்கு எங்களை ஹிந்தி மொழி படிக்க வேண்டும் என்று கூறுகிறீர்கள்” என்கிறார். 

இது குறித்த செய்தி வேறு எங்கும் இருக்கிறதா என்று தேடிப் பார்க்கையில், பாலிமர் செய்தி ஊடகத்தின் யூடியூப் பக்கத்தில் "நிதிநிலை அறிக்கை விளக்கப் பொதுக்கூட்டம்.. அமைச்சர் ஏ.வ.வேலு பேச்சு | EV Velu Speech | Meeting" அமைச்சர் பேசியதை நேரலை செய்திருந்தனர். அதில் சரியாக 27:58வது நிமிடத்தில் ஹிந்தி திணிப்பு குறித்துப் பேசியது இடம் பெற்றிருந்தது. 

முடிவு : 

“சோலி கே பீச்சே” என்ற பாடலை சிவன் அல்லது வைணவ கோயில்களில் பாட முடியுமா என்று ஹிந்தி திணிப்பு குறித்து அமைச்சர் எ.வ.வேலு பேசிய காணொளியை எடிட் செய்து தவறாகப் பரப்பி வருகின்றனர்.