10ம் வகுப்பு பாடப்புத்தகத்தில் கருணாநிதியின் புகைப்படம் என்று பரவும் செய்தி! உண்மை என்ன?

தெலுங்கு வந்தேறி மகன் கருணாநிதி தமிழ் புத்தகத்தில் எப்படி இடம் பெற்றான்.?

ஆட்சி அதிகாரம் கையில் கிடைத்தால் என்ன வேண்டுமானாலும் செய்யலாம் என்பதற்கு இது ஒரு எடுத்துக்காட்டு…

X Link | Archived Link

தமிழ்நாடு 10ஆம் வகுப்பு பாடப்புத்தகத்தில் கருணாநிதியின் புகைப்படம் இடம்பெற்றுள்ளதாக கூறி செய்தி ஒன்று பரவி வருகிறது. திமுக ஆட்சிக்கு வந்த பிறகு தமிழ்நாடு அரசு பாட புத்தகத்தில் முன்னாள் முதல்வர் கருணாநிதி புகைப்படம் அச்சிடப்பட்டுள்ளதாக அதில் கூறப்பட்டிருந்தது. 

தெலுங்கு வந்தேறி மகன் கருணாநிதி தமிழ் புத்தகத்தில் எப்படி இடம் பெற்றான்.?

ஆட்சி அதிகாரம் கையில் கிடைத்தால் என்ன வேண்டுமானாலும் செய்யலாம் என்பதற்கு இது ஒரு எடுத்துக்காட்டு..😡😡😡 pic.twitter.com/zagk6dbowg

— பிரியகுமரன் (@kumaranofficia) August 25, 2025

உண்மை என்ன? 

பரவி வரும் இந்த புத்தகத்தின் pdf கிடைக்குமா என்பதை தேடிப் பார்த்தோம். அப்போது Padasalai. Info என்ற இணையதளப்பக்கத்தில் அந்த புத்தகத்தின் pdf இருந்ததை பார்க்கமுடிந்தது. அதில் மெர்சி பப்ளிகேஷன்ஸ் கல்விநூல் வெளியீட்டாளர் என்றும், 43,பந்தர் தெரு, சென்னை - 600001 எனவும் குறிப்பிடப்பட்டிருந்தது. 

இதையடுத்து மெர்சி பப்ளிகேஷன்ஸ் குறித்து தேடினோம். Kalvisolai என்ற இணையதளப்பக்கத்தில், இது 10th Tamil Guide என்றும், கவிமணி இன்பத்தமிழ் திருத்தியமைக்கப்பட்ட பாடநூல் அடிப்படையில் உருவாக்கப்பெற்ற புதிய பதிப்பு எனவும் குறிப்பிடப்பட்டிருந்தது. இதன் அடிப்படையில், இது பாடப்புத்தகம் அல்ல, தமிழ் பாடத்தின் வழிக்காட்டி என்பது தெரியவந்தது. 

மேலும் இந்த இந்த புத்தகம் மெர்சி பப்ளிகேஷன்ஸ் என்ற தனியார் நூல் வெளியீட்டாளர்களால் வெளியிடப்படுள்ளது. தமிழ்நாடு பாடநூல் மற்றும் கல்வி சேவைகள் கழகத்தால் வெளியிடப்பட்டது அல்ல என்பது உறுதியானது. 

முடிவு: 

நம் தேடலில், திமுக ஆட்சிக்கு வந்த பிறகு தமிழ்நாடு அரசு பாட புத்தகத்தில் முன்னாள் முதல்வர் கருணாநிதி புகைப்படம் அச்சிடப்பட்டுள்ளதாக தவறான தகவல் பரப்பப்படுவது தெரியவந்தது. இது மெர்சி பப்ளிகேஷன்ஸ் என்ற தனியார் நூல் வெளியீட்டாளர்களால் வெளியிடப்படுள்ளது.