தவெகவில் இணைந்த இஸ்லாமியர்கள் என்று பரப்பப்படும் புகைப்படம்! உண்மை என்ன?

TVK வில் இணைந்த தொபுள் கொடி உறவுகள்.

Link / Archive Link 

இஸ்லாமியர்கள் சிலர் மஞ்சள் சிவப்பு நிறங்கள் கொண்ட துண்டுகளுடன் நிற்கிறார்கள். அவர்களுக்கு பின்னால், அரபு மொழியில் எழுதப்பட்ட வாசகம் இருக்கிறது. இந்த புகைப்படத்தை சமூக வலைத்தளத்தில் பதிவிட்டு, ‘கணிசமான இஸ்லாமியர்கள் தமிழக வெற்றிக் கழகத்தில் இணைந்துவிட்டதாக’ பரப்பப்படுகிறது.

TVK வில் இணைந்த தொபுள் கொடி உறவுகள். pic.twitter.com/wor3G69rN2

— Joseph Kulavi💡 (@AttomLegend) October 7, 2025

உண்மை என்ன:

பரப்பப்படும் இந்த புகைப்படத்தை ‘Reverse Image Search’ முறையில் இணையத்தில் தேடியதில், ‘கர்நாடக ரக்ஷண வேதிகே’ என்ற பேஸ்புக் பக்கத்தில் இந்த புகைப்படத்தைக் காணமுடிந்தது. 

அந்த புகைப்படத்தையொட்டி எழுதப்பட்டிருந்த பதிவில், ‘இஸ்லாமிய மதகுருவான அமீர்-இ-ஷரியத் சையத் சாகிர் அகமது சாப் ரஷாதி மற்றும் அவரது ஆதரவாளர்கள் ‘கர்நாடக ரக்ஷண வேதிகே’ அமைப்பின் தலைவர் டி.ஏ. நாராயண கவுடாவை சந்தித்ததாக குறிப்பிடப்பட்டுள்ளது. இந்த ‘கர்நாடக ரக்ஷண வேதிகே’ என்பது கர்நாடகாவில் கன்னட மொழி மற்றும் இனத்தை மையமாக வைத்து செயல்பட்டு வரக்கூடிய அமைப்பாகும். 

மேற்குறிப்பிட்ட விவரங்களிலிருந்து, இந்த புகைப்படம் கர்நாடகாவில் எடுக்கப்பட்டது என்பதும், அந்த புகைப்படத்தில் இருக்கும் மஞ்சள் சிவப்பு துண்டு தவெக கட்சியின் கொடி அல்ல, ‘கர்நாடக ரக்ஷண வேதிகே’ என்ற அமைப்பினுடையது என்பதும் தெளிவாக தெரியவருகிறது. 

முடிவு:

கார்நாடகாவில் இஸ்லாமிய மதகுரு மற்றும் அவரது ஆதரவாளர்கள் ‘கர்நாடக ரக்ஷண வேதிகே’ என்ற கன்னட அமைப்பின் தலைவரை சந்தித்த போது எடுக்கப்பட்ட புகைப்படத்தை, தவெகவில் இஸ்லாமியர்கள் இணைந்ததாக தவறாக பரப்புகிறார்கள்.