காலை உணவு வழங்கும் நிகழ்ச்சியின் போது வழங்கப்பட்ட உணவை ஸ்டாலின் உண்ணவில்லையா? உண்மை என்ன?

பஞ்சாப் முதல்வர் கூட தமிழ்நாட்டு பாரம்பரிய உணவான பொங்கல் சாப்பிடுறாரு. ஆனா ஸ்டாலின் கிண்டுற வீடியோலாம் வருது சாப்பிட வரும் போது கட் ஆகுது, உதயநிதி தலை அசைத்த பிறகு ஒரு ஸ்பூன் எடுத்து வாய்ல வைக்குறாரு வாய் மெல்லுற மாதிரியே தெரியல எனக்கு மட்டும் தான் இப்படி தெரியுதா ??? 

Link

அரசு பள்ளிகளில் படிக்கும் மாணவர்களுக்கு மதிய உணவு வழங்கும் திட்டம் பல ஆண்டுகளாக செயல்படுத்தப்பட்டு வருகிறது. இந்நிலையில், மாணவர்களுக்கு காலை உணவு வழங்கும் திட்டம் தற்போதைய திமுக ஆட்சியில் கொண்டு வரப்பட்டது. கடந்த 2022ஆம் ஆண்டு செப்டம்பர் மாதம் தொடக்கப்பள்ளி மாணவர்களுக்கு காலை உணவு வழங்கும் திட்டம் தொடங்கப்பட்டது. கடந்த ஆகஸ்ட் 26ஆம் தேதியன்று, நகர்ப்புற அரசு உதவி பெறும் பள்ளிகளுக்கும் இந்த திட்டம் விரிவுபடுத்தப்பட்டது.  இந்த நிகழ்ச்சியின் போது முதல்வர் ஸ்டாலினுடன் பஞ்சாப் முதல்வர் பகவந்த் மான் அவர்களும் கலந்து கொண்டார்.

இந்நிலையில், இந்த காலை உணவுத் திட்டம் விரிவாக்க நிகழ்ச்சியின் போது எடுக்கப்பட்ட வீடியோ ஒன்றை பதிவிட்டு, ‘பஞ்சாப் முதல்வர் கூட பள்ளியில் கொடுக்கப்படும் பொங்கலை சாப்பிடுகிறார். ஆனால் ஸ்டாலின் சாப்பிடவில்லை’ என்று ‘எக்ஸ்’ தளத்தில் பரப்பப்படுகிறது

பஞ்சாப் முதல்வர் கூட தமிழ்நாட்டு பாரம்பரிய உணவான பொங்கல் சாப்பிடுறாரு

ஆனா ஸ்டாலின் கிண்டுற வீடியோலாம் வருது சாப்பிட வரும் போது கட் ஆகுது

உதயநிதி தலை அசைத்த பிறகு ஒரு ஸ்பூன் எடுத்து வாய்ல வைக்குறாரு வாய் மெல்லுற மாதிரியே தெரியல எனக்கு மட்டும் தான் இப்படி தெரியுதா ??? pic.twitter.com/SJYIm6PvTy

— Phoenix Vignesh (@PhoenixAdmk) August 26, 2025

உண்மை என்ன?

நகர்ப்புற அரசு உதவி பெறும் பள்ளிகளில் காலை உணவுத் திட்டத்தை வரிவுபடுத்தும் நிகழ்ச்சி குறித்து இணையத்தில் தேடியபோது, ‘சத்தியம்’ செய்தித் தொலைக்காட்சியில் ஒரு செய்தி வீடியோவைக் காணமுடிந்தது.

2025 ஆகஸ்ட் 26 அன்று வெளியிடப்பட்டுள்ள அந்த செய்தியில், முதலில் அருகில் இருக்கும் மாணவர் ஒருவருக்கு முதல்வர் ஸ்டாலின் உணவை ஊட்டி விடுகிறார். பின்னர் அவரும் உணவை சாப்பிடுகிறார். அவர் உணவு சாப்பிடுவது இந்த செய்தியில் தெளிவாக பதிவாகி இருப்பதை காணமுடிகிறது.

இதனை மறைத்து, காலை உணவுத் திட்டத்தை விரிவாக்கம் செய்யும் நிகழ்ச்சியின் போது முதல்வர் ஸ்டாலின் அவருக்கு வழங்கப்பட்ட  உணவை சாப்பிடவில்லை என்று தவறாக பரப்பப்படுகிறது.

முடிவு:

நகர்ப்புற அரசு உதவி பெறும் பள்ளிகளில் காலை உணவுத் திட்டத்தை வரிவுபடுத்தும் நிகழ்ச்சியின் போது, முதல்வர் ஸ்டாலின் தனக்கு கொடுக்கப்பட்ட உணவை சாப்பிடவில்லை என்று தவறாக பரப்பப்படுகிறது.