'வெனிசுவேலா அதிபர் மதுரோ கைது செய்யப்படும் காட்சி' எனப் பரவும் தவறான வீடியோ!
யூடர்ன் தீர்ப்பு
YouTurn Verdict
பொய்
சரிபார்க்கப்பட்ட கூற்று
‘வெனிசுவேலாவின் ஜனாதிபதி நிக்கோலஸ் மதுரோ அமெரிக்க ராணுவத்தால் கைது செய்யப்படும் காட்சி’ எனப் பரவும் வீடியோ, கடந்த ஆண்டு அமெரிக்க இராணுவம் பயிற்சியில் ஈடுபட்ட போது எடுக்கப்பட்ட பழைய வீடியோ ஆகும்.
பரவிய செய்தி
வெனிசுவேலா ஜனாதிபதி மதுரோவையும் அவரது மனைவியையும் அமெரிக்க இராணுவம் கைது செய்தது.
போதைப் பொருள் கடத்தலுக்கு உடந்தையாக இருந்ததாகக் கூறி, வெனிசுவேலா நாட்டின் மீது அமெரிக்க படைகள் கடந்த சனிக்கிழமை (ஜனவரி 03, 2026) வான்வழித் தாக்குதலை நடத்தின.
இந்த தாக்குதலைத் தொடர்ந்து, வெனிசுவேலா அதிபர் நிக்கோலஸ் மதுரோ மற்றும் அவரது மனைவி சிலியா ஃபுளோரஸ் ஆகியோரை அமெரிக்க படைகள் சிறைபிடித்தன. இந்த சம்பவத்துக்கு உலகத் தலைவர்கள் பலரும் கண்டனம் தெரிவித்துள்ளனர்.
மதுரோ மற்றும் அவரது மனைவி மீது நியூயார்க்கின் தெற்கு மாவட்டத்தில் குற்ற வழக்கு தொடரப்பட்டுள்ளதாக அமெரிக்க அட்டர்னி ஜெனரல் பாம் போன்டை தெரிவித்துள்ளதும் குறிப்பிடத்தக்கது.
இந்நிலையில் "வெனிசுவேலா அதிபர் நிக்கோலஸ் மதுரோ மற்றும் அவரது மனைவி சிலியா ஃபுளோரஸ் அமெரிக்க ராணுவத்தால் கைது செய்யப்படும் காட்சி" என்று கூறி வீடியோ ஒன்று சமூக ஊடகங்களில் வைரலாகப் பரவி வருகிறது. வீடியோவில் ராணுவ ஹெலிகாப்டர் ஒன்று ஒரு பெரிய கட்டிடத்தில் தரை இறங்குவதையும், அதில் இருந்து ராணுவ வீரர்கள் துப்பாகியுடன் இறங்குவதையும் காண முடிகிறது.
; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;">#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">A post shared by The Kaizen Lab (@kaizen.engineered)
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இது தற்போது எடுக்கப்பட்ட வீடியோ அல்ல என்பதை அறிய முடிந்தது.
“Noah” என்ற இன்ஸ்டாகிராம் பக்கத்தில் பரவி வரும் இதே வீடியோ “வடக்கு கரோலினாவின் போர்ட் பிராக் தளத்திற்கு ஜனாதிபதி ட்ரம்ப் வருகை தந்தபோது, அமெரிக்க சிறப்பு படையினர் பயிற்சியில் ஈடுபட்டனர்“ என்று குறிப்பிட்டு கடந்த 2025 ஜூன் 11 அன்றே பதிவு செய்யப்பட்டிருந்தது.
இதே போன்று “MAGNO NEWS” ஊடகத்தின் யூடியூப் பக்கத்திலும், போர்ட் பிராக் தளத்தில் ஜனாதிபதி ட்ரம்ப் இருப்பதையும், அங்கு ராணுவப் பயிற்சி நடைபெறுவதையும் குறிப்பிட்டு 2025 ஆம் ஆண்டு ஜூனில் செய்தி வெளியிட்டிருந்தனர். செய்தியில் பரவி வரும் வீடியோவில் உள்ள அதே காட்சிகள் இடம் பெற்றுள்ளதை தெளிவாகக் காண முடிகிறது.
நம் தேடலில், ‘வெனிசுவேலாவின் ஜனாதிபதி நிக்கோலஸ் மதுரோவும் அவரது மனைவியும் அமெரிக்க ராணுவத்தால் கைது செய்யப்படும் காட்சி’ எனப் பரவும் வீடியோ, கடந்த ஆண்டு அமெரிக்க இராணுவம் பயிற்சியில் ஈடுபட்ட போது எடுக்கப்பட்ட பழைய வீடியோ என்பது உறுதியாகிறது.
