முட்புதரில் தாய் வீசி விட்டுச் சென்ற குழந்தை எனப் பரவும் தவறான வீடியோ!

முட்புதரில் தாய் வீசி விட்டுச் சென்ற அழகுச் செல்லம்

Facebook Link | Archived Link

குழந்தையை முட்புதரில் தாய் வீசி விட்டுச் சென்றதாக கூறி 35 விநாடிகள் கொண்ட வீடியோ ஒன்று வைரலாகி வருகிறது.

உண்மை என்ன?

பரவி வரும் வீடியோவை கூகுள் ரிவர்ஸ் இமேஜ் மூலம் தேடி பார்த்தோம். அப்போது ihaan_aizel என்ற இன்ஸ்டாகிராம் பக்கத்திற்கு அழைத்து சென்றது. அதில் "Ei... No ball damage at all" என்ற தலைப்பில் ஏப்ரல் 26ஆம் தேதி பரவி வரும் வீடியோ பதிவாகியிருந்ததை பார்க்கமுடிந்தது. 

இதையடுத்து அந்த பக்கத்தில் பரவி வரும் வீடியோவில் உள்ள குழந்தையின், பல்வேறு வீடியோக்கள், புகைப்படங்கள் பதிவிடப்பட்டிருந்ததை பார்க்கமுடிந்தது. 

அந்த இன்ஸ்டாகிராம் பக்கத்தின் BIOவில், இந்த பக்கத்தை நீத்து என்பவரால் கையாளப்படுவதாகவும், அகாஷ் என்ற பெயரும் குறிப்பிடப்பட்டிருந்தது. இது குறித்து தேடிய போது, பரவி வரும் வீடியோவில் இருப்பது நீத்து- ஆகாஷ் என்ற தம்பதிகளின் குழந்தை என்பது தெரியவந்தது. 

முடிவு:

நம் ஆய்வில், பரவி வரும் வீடியோவில் இருப்பது நீத்து- ஆகாஷ் என்பவர்களின் குழந்தை. அவர்கள் தங்களுடைய தனிப்பட்ட இன்ஸ்டாகிராம் பக்கத்தில் பதிவு செய்த வீடியோவை, பலரும் முட்புதரில் வீசப்பட்ட குழந்தை என்று கூறி சமூக ஊடகங்களில் தவறாகப் பரப்பி வருவது தெரியவந்தது.