முதல்வர் ஸ்டாலின் பெண்களை தாலி அணிய வேண்டாம் என்று கூறினாரா? உண்மை என்ன?

DMK 🇦🇴 சரியாநீங்களே சொல்லுங்க....

Instagram Link | Archived Link

முதல்வர் ஸ்டாலின் பெண்களை தாலி அணிய வேண்டாம் என்று கூறியதாக வீடியோ ஒன்று பரவி வருகிறது. அதில் திராவிடர் கழகத்தின் பொதுச்செயலாளர் கி.வீரமணி முன்பு, பெண்கள் சிலர் தங்களது தாலி அகற்றும் காட்சி இடம்பெற்றிருந்தது. 

View this post on Instagram

A post shared by Ramya Ramya (@barath_barath_barath_3421)

உண்மை என்ன? 

பரவி வரும் வீடியோவை கூகுள் ரிவர்ஸ் இமேஜ் மூலம் தேடினோம். அப்போது தெலுங்கு ஊடகமான Shakshi TV ஊடகத்தில் ”Dravidar kazhagam holds thaali removal function” என்ற தலைப்பில் ஏப்ரல் 14, 2015 அன்று இது குறித்து செய்தி வெளியாகியிருந்தது. அதில் திராவிடர் கழகத்தினர் பெரியார் திடலில் தாலி அகற்றும் போராட்டம் நடத்தியதாக கூறப்பட்டிருந்தது. 

மேலும் இது குறித்து தேடிய போது, ”நீதிமன்ற தடை உத்தரவுக்கு முன்பாக தாலி அகற்றும் விழா” என்ற தலைப்பில் BBC Tamil ஊடகத்தில் ஏப்ரல் 2015 அன்று செய்தி வெளியாகியிருந்தது. அதில் அம்பேத்கர் பிறந்த நாளை முன்னிட்டு, திராவிடர் கழகத்தின் சார்பில் சென்னை வேப்பேரி பெரியார் திடலில் ஏப்ரல் 14 தாலி அகற்றும் நிகழ்ச்சியும், மாட்டுக்கறி விருந்து நிகழ்ச்சியும் நடைபெறும் என்றும் அறிவிக்கப்பட்டது. இதை எதிர்த்து உயர்நீதிமன்றத்தின் சிறப்பு அமர்வில் தமிழக அரசின் சார்பில் மனுத்தாக்கல் செய்யப்பட்டது. நீதிபதிகள் சதீஷ் கே. அக்னிஹோத்ரி, எம். வேணுகோபால் ஆகியோர் அடங்கிய அமர்வு முன்பாக அதிகாலையிலேயே இந்த மனு விசாரிக்கப்பட்டது. வழக்கு விசாரணை நடைபெறும் முன்பாகவேது, தாலி அகற்றும் விழா ஏழு மணிக்கே துவங்கியது. சுமார் ஒரு மணி நேரம் நடந்த அந்த விழாவில் பங்கேற்று 21 பெண்கள் தங்கள் தாலிகளை அகற்றினர் என்று குறிப்பிடப்பட்டிருந்தது. 

அதே போல் One India Tamil ஊடகத்தில் ”சந்தோசமாக தாலியை அகற்றிவிட்டு... மாட்டுக்கறி பிரியாணி சாப்பிட்ட தி.கவினர்!” என்ற தலைப்பில் இது குறித்து செய்தி வெளியாகியிருந்தது. அதில் பெரியார் திடலில் தாலி அகற்றும் போராட்டம் நடத்திய திராவிடர் கழகத்தினர் மாட்டுக்கறி பிரியாணி சாப்பிட்டு போராட்டத்தை வெற்றிகரமாக நிறைவு செய்தனர் என்று தெரிவிக்கப்பட்டிருந்தது. 

முடிவு: 

எனவே, கடந்த 2015ஆம் ஆண்டில் திராவிடர் கழகத்தினர் பெரியார் திடலில் தாலி அகற்றும் போராட்டம் நடத்தினர். அப்போது எடுக்கப்பட்ட பழைய வீடியோவை, முதல்வர் ஸ்டாலின் பெண்களை தாலி அணிய வேண்டாம் என்று கூறியதாகக் கூறி தவறாகப் பரப்பி வருகின்றனர்.