இந்தியா டூடே கருத்து கணிப்பில் அதிமுக முன்னிலை என்று பரவும் செய்தி! உண்மை என்ன?

முந்துகிறார் எடப்பாடியார் இந்தியா டூடே கருத்து கணிப்பு

அதிமுக :142

திமுக : 88

X Link | Archived Link

தமிழ்நாட்டில் 2026 ஆம் ஆண்டில் சட்டப்பேரவை தேர்தல் நடைபெறவுள்ளது. இதற்காக தற்போது அனைத்து கட்சிகளும் தங்களது தேர்தல் பணிகளை விறுவிறுப்பாக தொடங்கியுள்ளது. 

இந்நிலையில் இந்தியா டூடே ஊடகம் கருத்து கணிப்பு நடத்தியுள்ளதாகவும், அதில் அதிமுக 142 தொகுதிகளிலும், திமுக 88 தொகுதிகளிலும் வெற்றி பெறும் என தெரியவந்ததாகவும் சமூகவலைதளங்களில் பதிவு ஒன்று வைரலாகி வருகிறது. 

🌱🌱✌️✌️ pic.twitter.com/dWlJY7Z43w

— A.M.Vimalraj (@amvimalraj_) December 3, 2025

உண்மை என்ன? 

முதலில் இந்தியா டூடே ஊடகம் தற்போது ஏதேனும் கருத்துக் கணிப்பு நடத்தியுள்ளதா என்பதை தேடிப் பார்த்தோம். இது குறித்தான எந்த தகவல் கிடைக்கவில்லை. இந்தியா டூடேவின் செய்தி ஊடகங்களிலும் இது குறித்தான எந்த தகவலும் இல்லை.

இதையடுத்து இறுதியாக இந்தியா டூடே கருத்துக் கணிப்பு நடத்தியது குறித்து தேடிப் பார்த்தோம். அப்போது ”Vijay may end up helping DMK, hurting NDA in Tamil Nadu, shows MOTN survey” என்ற தலைப்பில் ஆகஸ்ட் 28, 2025 வெளியான கட்டுரை ஒன்றை பார்க்கமுடிந்தது. அதில்  மக்களவைத் தேர்தல் நடைபெற்றாலும், அதிமுகவுடனான உறவுகள் மீண்டும் புதுப்பிக்கப்பட்டாலும், தமிழகம் பாஜகவால் எட்ட முடியாத இடமாகவே இருக்கும் என்றும், “தேசத்தின் மனநிலை (MOTN) ஆகஸ்ட் 2025” என்ற கருத்துக் கணிப்பில் பாஜக கட்சிக்கு மூன்று இடங்கள் மட்டுமே கிடைக்கும் என்று குறிப்பிடப்பட்டிருந்தது. 

அதே போல், தற்போது லோக்சாபா தேர்தல் வைத்தாலும் கூட தமிழ்நாட்டில் திமுக தலைமையிலான கூட்டணி மொத்தமுள்ள 39 இடங்களில், 36 இடங்களில் வெற்றி பெறும். மொழிப் பிரச்சினைக்கு மத்தியில், ஒன்றிய அரசுக்கு எதிரான திமுகவின் இந்தித் திணிப்பு குற்றச்சாட்டுக்கு பொதுமக்களின் ஆதரவு இருப்பதைகவும் அதில் இருந்தது. 

முடிவு: 

எனவே, பரவி வரும் செய்தி போலியானது. ‘இந்தியா டுடே’ ஊடகம் வருகின்றன 2026 தமிழ்நாடு சட்டசபை தேர்தல் குறித்து எந்த கருத்துக்கணிப்பையும் வெளியிடவில்லை. இறுதியாக 2025ல் லோக்சாபா தேர்தலுக்கு தான் கருத்து கணிப்பு வெளியிடப்பட்டுள்ளது.