யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
கடந்த பிப்ரவரி மாதம் “Spotify India” விளம்பரத்திற்காக வெளியிடப்பட்ட வீடியோ இது. இதை எடிட் செய்து பரப்புகின்றனர்.
பரவிய செய்தி
விரிவான விளக்கம்
திரைப்பட நடிகரும், இயக்குநருமான கெளதம் வாசுதேவ் மேனன், படப்படிப்பின் போது தமிழக வெற்றிக் கழகத்தின் பிரச்சார பாடல்களில் ஒன்றான “உங்கள் விஜய்” பாடலை கேட்பது போன்று வீடியோ ஒன்று சமூக ஊடகங்களில் தற்போது வைரலாகப் பரவி வருகிறது. வீடியோவில், அவர் பாடலை ஓட விடு எனக் கூறுவது போன்றும் காட்சியமைக்கப்பட்டுள்ளது.
GVM : That's OK. Let it play 🙏😎 @actorvijay @TVKVijayHQ pic.twitter.com/p7PX9R3HMC
உண்மை என்ன?
பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இது உண்மையாக நடைபெற்ற சம்பவம் அல்ல என்பதை அறிய முடிந்தது.
கடந்த பிப்ரவரி மாதம் “Spotify India” விளம்பரத்திற்காக வெளியிடப்பட்ட வீடியோ இது. உண்மையான வீடியோவில், "விண்ணைத் தாண்டி வருவாயா" என்ற திரைப்படத்தின் பாடலே இடம் பெற்றிருக்கும்.
இந்நிலையில், உண்மையான வீடியோவை எடிட் செய்து, தவெக கட்சித் தொடர்பான பாடலுடன் இணைத்து சிலர் தவறாகப் பரப்பி வருகின்றனர்.
முடிவு:
நம் தேடலில், தமிழக வெற்றிக் கழகத்தின் பிரச்சார பாடல்களில் ஒன்றான “உங்கள் விஜய்” பாடலை, திரைப்பட படபிடிப்பிற்கு இடையில் கெளதம் வாசுதேவ் மேனன் ஓடவிடு எனக் கூறுவதாகப் பரவும் வீடியோ உண்மையானது அல்ல, எடிட் செய்யப்பட்டது என்பது உறுதியாகிறது.
