முதலவர் கருப்பு காயினை வைத்து கேரம் விளையாடியதாக பரப்பப்படும் போலிப் புகைப்படம்!

ஒரு லக்கணத்தில் ஒன்பது கிரகமும் உச்சம் பெற்ற ஒருவன் ஸ்டரைக்கரிலும் கேரம் ஆடலாம் black coin னிலும் ஆடலாம்...

அதுக்கு தானே தத்தி ன்னு சொல்லுறோம்…

Link / Archive Link

Archive Link

மூத்த குடிமக்களின் ஒட்டுமொத்த நல்வாழ்வை உறுதி செய்யும் விதமாக சமூக நலன் மற்றும் மகளிர் உரிமைத் துறை சார்பில் 25 ‘அன்புச் சோலை’ மையங்களை முதல்வர் மு.க.ஸ்டாலின் நவம்பர் 10ஆம் தேதி திறந்து வைத்தார். திருச்சியின் பொன்மலைப்பட்டியில் ‘அன்புச் சோலை’ மையங்களை திறந்து வைக்கும் நிகழ்ச்சியில் கலந்துகொண்ட ஸ்டாலின், அங்குள்ள முதியோர்களுடன் கேரம் விளையாடினார்.

இந்நிலையில், முதல்வர் கேரம் விளையாடும் புகைப்படம் ஒன்றை பதிவிட்டு, ஸ்டரைக்கருக்கு பதிலாக கருப்பு காயினை (Black Coin) வைத்து ஸ்டாலின் தவறாக கேரம் விளையாடுவதாக அதிமுக மற்றும் தவெக ஆதரவாளர்கள் சமூக வலைத்தளத்தில் பரப்பப்படுகிறது. 

ஒரு லக்கணத்தில் ஒன்பது கிரகமும் உச்சம் பெற்ற ஒருவன் ஸ்டரைக்கரிலும் கேரம் ஆடலாம் black coin னிலும் ஆடலாம்...

அதுக்கு
தானே
தத்தி ன்னு
சொல்லுறோம்... pic.twitter.com/uR8UXaaxf8

— Gowri Sankar D (@GowriSankarD_) November 10, 2025

உண்மை என்ன?

இது குறித்து இணையத்தில் தேடியபோது,  ’News18 Tamil Nadu’ செய்தி ஊடகத்தின் யூடியூப் தளத்தில் முதல்வர் ஸ்டாலின் ‘அன்புச் சோலை’ மையங்கள் திறந்து வைக்கப்பட்ட நிகழ்ச்சியில் கேரம் விளையாடும் வீடியோவைக் காணமுடிந்தது. 

அதில், முதியவர்களுடன் கேரம் விளையாடும் முதல்வர் ஸ்டாலின் ஸ்டரைக்கரை (Striker Coin) வைத்து சரியாக விளையாடுவதை தெளிவாக காணமுடிகிறது. 

மேலும் தேடியதில்,  ‘Sun News Tamil’ செய்தி ஊடகத்தின் சமூக ஊடக பக்கத்திலும் இந்த வீடியோவைக் காணமுடிந்தது. அதிலும், முதல்வர் ஸ்டாலின் ஸ்டரைக்கரை வைத்து சரியாக விளையாடுவதை காணமுடிகிறது.

இதிலிருந்து, கருப்பு காயினை (Black Coin) வைத்து முதல்வர் ஸ்டாலின் கேரம் விளையாடியதாக பரப்பப்படும் புகைப்படம் Edit செய்து போலியாக உருவாக்கப்பட்டது என்பது தெளிவாகிறது. 

முடிவு:

Edit செய்து போலியாக உருவாக்கப்பட்ட படத்தைக் கொண்டு முதல்வர் ஸ்டாலின் கருப்பு காயினை (Black Coin) வைத்து கேரம் விளையாடுவதாக தவறாக பரப்பிவருகிறார்கள்.