யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
திமுக சார்பில் Gen Z இளம் தலைமுறையின் சந்திப்பு ’GenZ DMK’ என்னும் பெயரில் சமீபத்தில் நடைபெற்றது. இந்த சந்திப்பில் கலந்துகொண்டவர்கள் தங்கள் கருத்துகளைக் குறிப்பிட்டிருந்த பேப்பரில், "திமுக ஒரு தீயசக்தி" என்று எழுதப்பட்டிருந்ததாகக் கூறி புகைப்படம் ஒன்று பரவி வருகிறது.
பரவிய செய்தி
விரிவான விளக்கம்
சென்னை அண்ணா அறிவாலயம் கலைஞர் அரங்கத்தில் நடைபெற்ற ’GenZ DMK’ என்னும் சந்திப்பு கூட்டத்தில், 30-வயதுக்குட்பட்ட 100-க்கும் மேற்பட்ட GEN Z இளைஞர்கள் பங்கேற்றனர். இதில் கலந்துகொண்டவர்கள் தங்கள் கருத்துகளைக் குறிப்பிட்டிருந்த பேப்பரில், "திமுக ஒரு தீயசக்தி" என்று எழுதப்பட்டிருந்ததாகக் கூறி புகைப்படம் ஒன்று தவெக சார்பில் பரப்பப்பட்டு வருகிறது.
எவனோ நம்ம பையன் உள்ள புகுந்துருக்கான் 🤣🤣🤣 pic.twitter.com/f3lCVT96sY
உண்மை என்ன?
பரவி வரும் புகைப்படத்தை கூகுள் ரிவர்ஸ் இமேஜ் மூலம் தேடிப் பார்த்தோம். அப்போது முன்னாள் முதல்வர் மு.க. ஸ்டாலின் தனது எக்ஸ் பக்கத்தில், “#GenZDMKMeetup: எதிர்காலம் நம்பிக்கை அளிக்கிறது! எதிர்க்கட்சி என்றாலும் energy கூடுகிறது. இதுதான் திமுக!” என்று குறிப்பிட்டு, கலந்துகொண்டவர்கள் தங்கள் கருத்துகளைக் குறிப்பிட்டிருந்த பேப்பரை பதிவிட்டுருந்ததை பார்க்கமுடிந்தது.
#GenZDMKMeetup: எதிர்காலம் நம்பிக்கை அளிக்கிறது! எதிர்க்கட்சி என்றாலும் energy கூடுகிறது. இதுதான் திமுக!
வாழ்க தமிழ்! வெல்க திராவிடம்! pic.twitter.com/yMEzghWfXG
அதை zoom செய்து பார்த்த போது, திமுக ஒரு தீயசக்தி ன்று எழுதப்பட்டிருந்ததாக பரவுவது போல் எங்கும் இடம்பெறவில்லை. இதிலிருந்து பரவுவது போலியான புகைப்படம் என்றும், உண்மையான புகைப்படத்தை எடிட் செய்து பரப்புவதும் தெரியவந்தது.
முடிவு:
எனவே, ’GenZ DMK’ சந்திப்பில் கலந்துகொண்டவர்கள் தங்கள் கருத்துகளைக் குறிப்பிட்டிருந்த பேப்பரில், "திமுக ஒரு தீயசக்தி" என்று எழுதப்பட்டிருந்ததாகக் கூறி பரவி வருவது போலியான புகைப்படமாகும்.
