'நியூஸ்7 தமிழ்' கருத்துக்கணிப்பில் தென்மண்டலங்களில் அதிமுக கூட்டணி முன்னிலை எனப் பரவும் போலி செய்தி!

நியூஸ் 7  வெளியிட்டுள்ள கருத்துக்கணிப்பில் தென் மாவட்டத்தில் உள்ள 44 தொகுதிகளில் 24 தொகுதிகளில் அதிமுக கூட்டணி வெற்றி பெறும்; மீதம் உள்ள தொகுதிகளில் 7 இழுப்பறி; அதில் திமுக 13, தவெக 0, இவ்வளவு தான் டா உங்க ஒர்த்து!!!

X Link | Archive Link 

"‘நியூஸ் 7 தமிழ்’ ஊடகம் வெளியிட்டுள்ள கருத்துக்கணிப்பில் தென் மாவட்டத்தில் உள்ள மொத்தமுள்ள 44 தொகுதிகளில், 24 தொகுதிகளில் அதிமுக கூட்டணி வெற்றி பெறும் என்று கூறியுள்ளனர்" எனக் குறிப்பிட்டு வீடியோ ஒன்று சமூக ஊடகங்களில் வைரலாகப் பரவி வருகிறது. 

மேலும் பரவி வரும் அப்பதிவுகளில், “13 தொகுதிகளில் திமுக கூட்டணி வெற்றி பெறும். மீதம் உள்ள தொகுதிகளில் 7 இழுபறி” என்றும் குறிப்பிட்டு பரப்பி வருகின்றனர். 

நியூஸ் 7 நிறுவனம் வெளியிட்டுள்ள கருத்துக்கணிப்பில் தென் மாவட்டத்தில் உள்ள 44 தொகுதிகளில் 24 தொகுதிகளில் அதிமுக கூட்டணி வெற்றி பெறும் தெரிவிக்கப்பட்டுள்ளது.

டிடிவி தினகரன் அவர்கள் அதிமுகவுடன் கூட்டணி சேருவதற்கு முன்பாகவே எடுக்கப்பட்ட கருத்துக்கணிப்பு இது. @satyenaiadmk pic.twitter.com/tA0PzkzoJf

— மதுரை ருசாந்தன் (@RusanthanNesan) January 26, 2026

நியூஸ் 7 நிறுவனம் வெளியிட்டுள்ள கருத்துக்கணிப்பில் தென் மாவட்டத்தில் உள்ள 44 தொகுதிகளில் 24 தொகுதிகளில் அதிமுக கூட்டணி வெற்றி பெறும் தெரிவிக்கப்பட்டுள்ளது.

டிடிவி தினகரன் அவர்கள் அதிமுகவுடன் கூட்டணி சேருவதற்கு முன்பாகவே எடுக்கப்பட்ட கருத்துக்கணிப்பு இது. pic.twitter.com/iLTUJYpZJj

— 𝐆.𝐌𝐮𝐭𝐡𝐮𝐦𝐮𝐫𝐮𝐠𝐚𝐧 (@Govi_murugan) January 26, 2026

உண்மை என்ன? 

பரவி வரும் வீடியோ குறித்து ஆய்வு செய்ததில், பரவி வரும் வீடியோவின் முழுப் பகுதி “News7 Tamil PRIME” ஊடகப் பக்கத்தில் ஜனவரி 26 அன்று “தெற்கு மண்டலம் - மக்கள் கணிப்பு | MAKKAL KANIPPU | NEWS7 TAMIL” என்று குறிப்பிட்டு பதிவு செய்யப்பட்டிருந்தது. 

இது ‘நியூஸ் 7 தமிழ்’  ஊடகம் வெளியிட்டுள்ள கருத்துக்கணிப்பு அல்ல. ‘Spick Media’ மற்றும் ‘இடம் வலம் குழுவினர்’ நடத்திய கருத்துக்கணிப்பு என்பதை வீடியோவை முழுமையாக ஆய்வு செய்ததில் உறுதிபடுத்த முடிந்தது. 

“Spike Media”, தமிழ்நாடு தேர்தல் நிலவரம் குறித்து கடந்த ஆண்டும் இதே போன்று கருத்துக்கணிப்பு நடத்தியுள்ளனர். 

முடிவு: 

நம் தேடலில், ‘நியூஸ் 7 தமிழ்’  வெளியிட்டுள்ள கருத்துக்கணிப்பில் "தென் மாவட்டத்தில் உள்ள 44 தொகுதிகளில் 24 தொகுதிகளில் அதிமுக கூட்டணி வெற்றி பெறும்" எனத் தெரிவிக்கப்பட்டுள்ளதாகப் பரவும் செய்திகள் தவறானவை என்பது உறுதியாகிறது.