யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
அதிமுகவில் இருந்து நீக்கப்பட்ட பின் திமுகவில் இணைந்த முன்னாள் எம்.பி அன்வர் ராஜாவுக்கு திமுகவில் இளந்தென்றல் இன்பநிதி பாசறையின் மாநில ஒருங்கிணைப்பாளர் பதவி வழங்கப்பட்டுள்ளது என்று கூறி பரவி வரும் நியூஸ் கார்டு போலியானது.
பரவிய செய்தி
அன்வர் ராஜாவுக்கு திமுகவில் புதிய பொறுப்பு, உங்களுக்கு ஏற்ற பதவியை வழங்கி திமுக கௌரவித்து உள்ளது, வாழ்த்துக்கள் அன்வர் ராஜா
விரிவான விளக்கம்
எம்.ஜி.ஆர் அதிமுகவை தொடங்கிய நாள் முதலே கட்சியின் அடிப்படை உறுப்பினராக இருந்து செயல்பட்டு வந்தவர் அன்வர் ராஜா. இவர் தற்போது அதிமுகவில் இருந்து விலகி, முதலமைச்சர் ஸ்டாலின் முன்னிலையில் திமுகவில் இணைந்தார். இந்நிலையில் அன்வர் ராஜாவுக்கு திமுகவில் இளந்தென்றல் இன்பநிதி பாசறையின் மாநில ஒருங்கிணைப்பாளர் பதவி வழங்கப்பட்டுள்ளதாக நியூஸ் 18 தமிழ்நாடு ஊடகத்தின் நியூஸ் கார்ட் ஒன்று வைரலாகி வருகிறது.
அன்வர் ராஜாவுக்கு திமுகவில் புதிய பொறுப்பு 🔥
உங்களுக்கு ஏற்ற பதவியை வழங்கி திமுக கௌரவித்து உள்ளது
வாழ்த்துக்கள் அன்வர் ராஜா 💐 pic.twitter.com/F95B9y1DfO
உண்மை என்ன?
பரவி வரும் இந்த செய்தி குறித்து News18 Tamilnadu ஊடகத்தின் சமூகவலைதளப்பக்கங்களில் தேடி பார்த்தோம். அப்போது இது தொடர்பான எந்த செய்தியும் அங்கு வெளியிடப்படவில்லை என்பதை பார்க்கமுடிந்தது.
இதை மேலும் உறுதி செய்ய, News18 Tamilnadu ஊடகத்தை தொடர்புக்கொண்டு கேட்ட போது, இது குறித்து எந்த செய்தியும் வெளியிடவில்லை என்று உறுதிபடுத்தினர்.
மேலும் அவர்களது எக்ஸ் பக்கத்தில், இந்த செய்தியை தாங்கள் வெளியிடவில்லை என்பதையும் உறுதி செய்துள்ளனர்.
#FAKENEWS pic.twitter.com/7qLbN8mhUd
மேலும் திமுகவின் அதிகாரப்பூர்வ சமூகவலைதளப்பக்கங்களில் அன்வர் ராஜா பதிவு குறித்து ஏதும் தகவல் வெளியிடப்பட்டுள்ளதா என்று பார்த்தப்போது, அது குறித்து எந்த பதிவும் வெளியாகவில்லை என்பதை பார்க்கமுடிந்தது.
எனவே இது போலியான நியூஸ் கார்ட் என்பது உறுதியானது.
இதே போல் சமூகவலத்தளங்களில் பரவிய போலி நியூஸ் கார்ட் குறித்து ஆய்வு செய்து கட்டுரை வெளியிட்டுள்ளோம்.
மேலும் படிக்க : அதிமுக பொதுச்செயலாளர் எடப்பாடி பழனிசாமி கூறியதாக பரவும் போலியான நியூஸ் கார்ட்!
சீமான் நிர்மலா சீதாராமனை சந்தித்தது குறித்துப் பரப்பப்படும் போலி News Card!
முடிவு:
நம் தேடலில், அதிமுகவில் இருந்து நீக்கப்பட்ட பின் திமுகவில் இணைந்த முன்னாள் எம்.பி அன்வர் ராஜாவுக்கு திமுகவில் இளந்தென்றல் இன்பநிதி பாசறையின் மாநில ஒருங்கிணைப்பாளர் பதவி வழங்கப்பட்டுள்ளது” என்று கூறி பரவி வரும் நியூஸ் கார்டு போலியானது என்பது தெரியவந்தது.
