இந்திய ரயில்வே தண்டவாளங்களுக்கு இடையில் கம்பங்கள் நிறுவப்பட்டுள்ளதாக பரப்பப்படும் செய்தி தவறானது.

இந்திய ரயில்வே துறையை மொத்தமா முடிச்சிட்டானுங்க. வட இந்தியாவில் தான் இந்த கேவலம்

X link

இந்திய ரயில்வே தண்டவாளங்களுக்கு இடையில் கம்பங்கள் நிறுவப்பட்டுள்ளதாக வீடியோ வைரலாகி வருகிறது. 

இந்திய ரயில்வே துறையை மொத்தமா முடிச்சிட்டானுங்க
வட இந்தியாவில் தான் இந்த கேவலம் pic.twitter.com/RtOJ5DTPR3

— SHAAN SUNDAR🖤♥️🖤♥️ (@Sun46982817Shan) March 13, 2025

உண்மை என்ன?

பரவி வரும் வீடியோவின் கீபிரேம்களை கூகுள் ரிவர்ஸ் இமேஜ் செர்ச் மூலம் தேடிப் பார்த்ததில், இது ரஷ்யாவில் உள்ள தண்டவாளங்கள் என்பதை HRONIKA.INFO என்ற செய்தி ஊடகம் 2019ஆம் ஆண்டு ஆகஸ்ட் 24ஆம் தேதி செய்தியாக வெளியிட்டுள்ளது. ரஷ்ய மொழியில் இயங்கும் இந்த இணையதளத்தை ஆங்கில மொழியில் மொழி பெயர்த்து தெரிந்துக்கொண்டோம். மேலும் இந்த வீடியோவை உக்ரைனிய ஆயுதப்படை அதிகாரி Anatoliy Stefan பேஸ்புக்கில் வெளியிட்டுள்ளதாகவும் அந்த செய்தியில் குறிப்பிட்டுள்ளது. 

இது குறித்து மேலும் தேடி பார்த்ததில், போலாந்து நாட்டை சேர்ந்த sadistic.pl என்ற இணையதள பக்கத்திலும் 2019ஆம் ஆண்டு செப்டம்பர் 16ஆம் தேதி இந்த வீடியோ வெளியிடப்பட்டுள்ளது. அந்த வீடியோவில் உள்ள கமெண்ட்டிலும் ரஷ்யா என்று தான் குறிப்பிட்டுள்ளது. 

இந்த வீடியோவில் வரும் தண்டவாளங்கள் எந்த நாட்டை சேர்ந்தது என்பது சரியாக குறிப்பிடாமல் இருந்தாலும், இது இந்தியாவில் உள்ள தண்டவாளங்கள் இல்லை என்பது உறுதியானது. 

முடிவு: 

இந்திய ரயில்வே தண்டவாளங்களுக்கு இடையில் கம்பங்கள் நிறுவப்பட்டுள்ளதாக பரப்பப்படும் செய்தி தவறானது.