யூடர்ன் தீர்ப்பு
YouTurn Verdict
சரிபார்க்கப்பட்ட கூற்று
குப்பைத் தொட்டியில் முதலமைச்சர் மு.க.ஸ்டாலின் படம் என்று கூறி பரவி வரும் புகைப்படத்தினை ரிவர்ஸ் இமேஜ் செர்ச் மூலம் தேடிப்பார்த்ததில், இது உண்மையான புகைப்படம் அல்ல என்பதை அறிய முடிந்தது.
பரவிய செய்தி
ரொம்ப ஓவரா போறீங்க டா? அது சரி எனக்கு ஒரு டவுட்டு.. இது மக்கும் குப்பையா? மக்காத குப்பையா?
விரிவான விளக்கம்
குப்பைத்தொட்டி ஒன்றில் முதலமைச்சர் மு.க.ஸ்டாலினின் படம் ஒட்டப்பட்டிருப்பது போன்ற புகைப்படம் ஒன்று சமூக ஊடகங்களில் வைரலாகப் பரவி வருகிறது.
உண்மை என்ன?
குப்பைத்தொட்டியில் முதலமைச்சர் மு.க.ஸ்டாலினின் படம் என்று கூறி பரவி வரும் புகைப்படத்தினை கூகுள் ரிவர்ஸ் இமேஜ் செர்ச் மூலம் தேடிப்பார்த்ததில், இது உண்மையான புகைப்படம் அல்ல என்பதை அறிய முடிந்தது.
திருவான்மியூரை சேர்ந்த திமுக ஆதரவாளரான விஎம்டி ராஜாராமன், லண்டன் சென்று வந்த தமிழ்நாடு பாஜக தலைவர் அண்ணாமலையை கேலி செய்யும் விதமாக அவரது படத்தை குப்பைத்தொட்டி, கழிவறை ஆகிய இடங்களில் ஒட்டி, அதுகுறித்த படங்களை மார்ச் 22 அன்று, அவரது சமூக ஊடகப் பக்கங்களிலும் பகிர்ந்திருந்தார்.
இந்நிலையில் சிலர், அவர் பகிர்ந்திருந்த புகைப்படத்தில் உள்ள அண்ணாமலையின் படத்தை நீக்கிவிட்டு, முதலமைச்சர் மு.க.ஸ்டாலினின் புகைப்படம் இருப்பது போல எடிட் செய்து தவறாகப் பரப்பி வருகின்றனர். இதனை கீழே உள்ள புகைப்படத்தில் தெளிவாகக் காணலாம்.
இதன் மூலம் பரவி வரும் புகைப்படம் உண்மையானது அல்ல, போலியாக எடிட் செய்யப்பட்டது என்பதை அறிய முடிகிறது.
முடிவு:
நம் தேடலில், குப்பைத்தொட்டியில் முதலமைச்சர் மு.க.ஸ்டாலினின் படம் என்று கூறி பரவி வரும் புகைப்படம் போலியானது என்பதை அறிய முடிகிறது.
